8 shlokas
- 1
अथातो नान्दीमुखेभ्यः पितृभ्यः पूर्वेद्युर्व्याख्यास्यामः
athāto nāndīmukhebhyaḥ pitṛbhyaḥ pūrvedyurvyākhyāsyāmaḥ
- 2
आपूर्यमाणपक्षे पुण्ये नक्षत्रे श्वः करिष्यामीति श्वो भूते वान्नं संस्कृत्य शुचीन्श्रोत्रियान्ब्राह्मणान् अनुमन्त्रयते
āpūryamāṇapakṣe puṇye nakṣatre śvaḥ kariṣyāmīti śvo bhūte vānnaṃ saṃskṛtya śucīnśrotriyānbrāhmaṇān anumantrayate
- 3
शुचिः शुक्लम् अनार्द्रम् आच्छाद्य यज्ञोपवीती अप आचम्य चतुःशुक्लान्बलीन्हरति दधि तण्डुलाः सुरभि शुक्लाः सुमनस इति
śuciḥ śuklam anārdram ācchādya yajñopavītī apa ācamya catuḥśuklānbalīnharati dadhi taṇḍulāḥ surabhi śuklāḥ sumanasa iti
- 4
अग्न्यायतने प्रागग्रान्दर्भान्संस्तीर्याग्नये सोमाय प्रजापतये विश्वेभ्यो देवेभ्य ऋषिभ्यो भूतेभ्यः पितृभ्यः सर्वाभ्यो देवताभ्यो नम इति
agnyāyatane prāgagrāndarbhānsaṃstīryāgnaye somāya prajāpataye viśvebhyo devebhya ṛṣibhyo bhūtebhyaḥ pitṛbhyaḥ sarvābhyo devatābhyo nama iti
- 5
हविष्यम् अन्नं ब्राह्मणेभ्यः प्रदाय दध्ना
haviṣyam annaṃ brāhmaṇebhyaḥ pradāya dadhnā
- 6
माषमत्स्यमांसभक्ष्याशनैर् इत्यपरम्
māṣamatsyamāṃsabhakṣyāśanair ityaparam
- 7
अथ चतुष्टयम् आदाय व्रीहियवपुष्पसर्षपाणीति सह तैर् एवोदकुम्भम् आदाय मनः समाधीयतां प्रसीदन्तु भवन्त इत्युक्त्वा सप्रणवं नान्दीमुखाः पितरः प्रीयन्ताम् इत्येवम्
atha catuṣṭayam ādāya vrīhiyavapuṣpasarṣapāṇīti saha tair evodakumbham ādāya manaḥ samādhīyatāṃ prasīdantu bhavanta ityuktvā sapraṇavaṃ nāndīmukhāḥ pitaraḥ prīyantām ityevam
- 8
यथार्थम् इतरे प्रतिब्रूयुः
yathārtham itare pratibrūyuḥ

