12 shlokas
- 1
सायंप्रातर्होमे
sāyaṃprātarhome
- 2
अग्नय इति प्रथमाम् आहुतिं जुहोति प्रजापतय इत्युत्तराम्
agnaya iti prathamām āhutiṃ juhoti prajāpataya ityuttarām
- 3
एवं प्रातर् अग्निस्थाने सूर्यः
evaṃ prātar agnisthāne sūryaḥ
- 4
सायंप्रातरशनस्य बली वर्धयित्वा पूर्वस्माद् अग्नौ जुहोत्य् अग्नये स्वाहा सोमाय स्वाहा धन्वन्तरये स्वाहा द्यावापृथिवीभ्यां स्वाहा विश्वेभ्यो देवेभ्यः स्वाहा सर्वाभ्यो देवताभ्यः स्वाहा प्रजापतये स्वाहेति
sāyaṃprātaraśanasya balī vardhayitvā pūrvasmād agnau juhoty agnaye svāhā somāya svāhā dhanvantaraye svāhā dyāvāpṛthivībhyāṃ svāhā viśvebhyo devebhyaḥ svāhā sarvābhyo devatābhyaḥ svāhā prajāpataye svāheti
- 5
मनसोत्तराम्
manasottarām
- 6
तत एवोत्तरतो ऽग्नेर्बलिं हरति ये हर्षणा वेपना स्फातिम् आहरा वातस्य भ्राजम् अनुसंचरन्ति
तेभ्यो बलिम् अन्नकामो हराम्यन्नं पयस्वद्बहुलं मे अस्त्विति
tata evottarato 'gnerbaliṃ harati ye harṣaṇā vepanā sphātim āharā vātasya bhrājam anusaṃcaranti
tebhyo balim annakāmo harāmyannaṃ payasvadbahulaṃ me astviti
- 7
एवम् अशनायति
evam aśanāyati
- 8
आयस्थाने मृत्योर् अधिष्ठानाय स्वाहेति
āyasthāne mṛtyor adhiṣṭhānāya svāheti
- 9
शेषस्य बलिहरणं प्रदक्षिणं गृह्याभ्यो देवताभ्यो बलिं नयामि तन्मे जुषन्तां ता मा पान्तु ता मा गोपायन्तु ता मा रक्षन्तु ताभ्यो नमस्ताभ्यः स्वाहेत्युदधाने मध्ये ऽगारस्योत्तरपूर्वार्धे शयने देहल्यां संवरणे ब्रह्मायतन एतेष्वायतनेषु
śeṣasya baliharaṇaṃ pradakṣiṇaṃ gṛhyābhyo devatābhyo baliṃ nayāmi tanme juṣantāṃ tā mā pāntu tā mā gopāyantu tā mā rakṣantu tābhyo namastābhyaḥ svāhetyudadhāne madhye 'gārasyottarapūrvārdhe śayane dehalyāṃ saṃvaraṇe brahmāyatana eteṣvāyataneṣu
- 10
शेषं धन्वन्तरये निनयेत्
śeṣaṃ dhanvantaraye ninayet
- 11
सदा गृहेषु स्वस्तिवाचनम्
sadā gṛheṣu svastivācanam
- 12
सा महाशान्तिर् इत्याचक्षते
sā mahāśāntir ityācakṣate

