10 shlokas
- 1
सायं प्रातर् उदकान्ते पूतो भूत्वा सपवित्रो ऽद्भिर्मार्जयेतापोहिष्ठीयाभिस्तिसृभिस्तरत्स मन्दी धावतीति चतसृभिर्वामदेव्यम् अन्ते
sāyaṃ prātar udakānte pūto bhūtvā sapavitro 'dbhirmārjayetāpohiṣṭhīyābhistisṛbhistaratsa mandī dhāvatīti catasṛbhirvāmadevyam ante
- 2
शुचौ देशे दर्भेष्वासीनो दर्भान्धारयमाणः प्रत्यङ्मुखो वाग्यतः संध्यां मनसा ध्यायेद् आ नक्षत्राणाम् उदयात्
śucau deśe darbheṣvāsīno darbhāndhārayamāṇaḥ pratyaṅmukho vāgyataḥ saṃdhyāṃ manasā dhyāyed ā nakṣatrāṇām udayāt
- 3
उदितेषु नक्षत्रेषु त्रीन्प्राणायामान्धारयित्वा सावित्रीं सहस्रकृत्व आवर्तयेत्
uditeṣu nakṣatreṣu trīnprāṇāyāmāndhārayitvā sāvitrīṃ sahasrakṛtva āvartayet
- 4
शतकृत्वो वा दशावरम्
śatakṛtvo vā daśāvaram
- 5
अथाग्निम् उपतिष्ठते ऽग्ने त्वं नो अन्तम इति
athāgnim upatiṣṭhate 'gne tvaṃ no antama iti
- 6
अथ वरुणम् उपतिष्ठते त्वं वरुण उत मित्र इति
atha varuṇam upatiṣṭhate tvaṃ varuṇa uta mitra iti
- 7
एतयैवावृता प्रातः प्राङ्मुखस्तिष्ठन्न् अथादित्यम् उपतिष्ठत उद्वयं तमसस्परीति
etayaivāvṛtā prātaḥ prāṅmukhastiṣṭhann athādityam upatiṣṭhata udvayaṃ tamasasparīti
- 8
अथ मित्रम् उपतिष्ठते प्र मित्राय प्रार्यम्ण इति
atha mitram upatiṣṭhate pra mitrāya prāryamṇa iti
- 9
स यदि सूर्याभ्युदितः सूर्याभिनिम्रुक्तो वा तच्छेषं सावित्रीं मनसा ध्यायेत्
sa yadi sūryābhyuditaḥ sūryābhinimrukto vā taccheṣaṃ sāvitrīṃ manasā dhyāyet
- 10
सैव तत्र प्रायश्चित्तिः
saiva tatra prāyaścittiḥ

