54 shlokas
- 1
सप्तमे ब्राह्मणम् उपनयीत पञ्चमे ब्रह्मवर्चसकामं नवमे त्वायुष्कामम् एकादशे क्षत्रियं द्वादशे वैश्यम्
saptame brāhmaṇam upanayīta pañcame brahmavarcasakāmaṃ navame tvāyuṣkāmam ekādaśe kṣatriyaṃ dvādaśe vaiśyam
- 2
नाति षोडशम् उपनयीत
nāti ṣoḍaśam upanayīta
- 3
प्रसृष्टवृषणो ह्येष वृषलीभूतो भवतीति
prasṛṣṭavṛṣaṇo hyeṣa vṛṣalībhūto bhavatīti
- 4
तत एनं स्नातम् अलंकृतम् आक्ताक्षं कृतनापितकृत्यम् आनयन्ति
tata enaṃ snātam alaṃkṛtam āktākṣaṃ kṛtanāpitakṛtyam ānayanti
- 5
तम् अहतेन वाससा परिदधीत परीमं सोमेति यथावर्णम्
tam ahatena vāsasā paridadhīta parīmaṃ someti yathāvarṇam
- 6
परीमं सोम ब्रह्मणा महे श्रोत्राय दध्मसि
यथेमं जरिमा ण याज्ज्योक्श्रोत्रे अधि जागराज्जीवाहि शरदः शतं पश्याहि शरदः शतम् इति
parīmaṃ soma brahmaṇā mahe śrotrāya dadhmasi
yathemaṃ jarimā ṇa yājjyokśrotre adhi jāgarājjīvāhi śaradaḥ śataṃ paśyāhi śaradaḥ śatam iti
- 7
परीमम् इन्द्र ब्रह्मणा महे राष्ट्राय दध्मसि
यथेमं जरिमा ण याज्ज्योक्पोषे अधि जागराज्जीवाहि शरदः शतं पश्याहि शरदः शतम् इति
parīmam indra brahmaṇā mahe rāṣṭrāya dadhmasi
yathemaṃ jarimā ṇa yājjyokpoṣe adhi jāgarājjīvāhi śaradaḥ śataṃ paśyāhi śaradaḥ śatam iti
- 8
अथैनं पश्चाद् अग्नेः प्राङ्मुखम् उपवेश्य यज्ञोपवीतिनम् आचार्य आचामयति
athainaṃ paścād agneḥ prāṅmukham upaveśya yajñopavītinam ācārya ācāmayati
- 9
आचान्तम् उत्थाप्योत्तरतो ऽग्नेः प्राचो दर्भान् आस्तीर्य तेष्व् अक्षतम् अश्मानम् अत्याधाय तत्रैनं दक्षिणेन पादेनाश्मानम् अधिष्ठापयेद् इमम् अश्मानम् आरोहाश्मेव त्वं स्थिरो भव द्विषन्तम् अपबाधस्व मा च त्वा द्विषतो वधीद् इति
ācāntam utthāpyottarato 'gneḥ prāco darbhān āstīrya teṣv akṣatam aśmānam atyādhāya tatrainaṃ dakṣiṇena pādenāśmānam adhiṣṭhāpayed imam aśmānam ārohāśmeva tvaṃ sthiro bhava dviṣantam apabādhasva mā ca tvā dviṣato vadhīd iti
- 10
अथैनं पश्चाद् अग्नेः प्राङ्मुखम् उपवेश्योत्तरत आचार्यो ऽन्वारब्धे जुहुयान्महाव्याहृतिभिर्हुत्वा देवाहुतिभिश्च
athainaṃ paścād agneḥ prāṅmukham upaveśyottarata ācāryo 'nvārabdhe juhuyānmahāvyāhṛtibhirhutvā devāhutibhiśca
- 11
संपातम् आस्ये भूर् ऋचः स्वाहेति प्रतिमन्त्रम्
saṃpātam āsye bhūr ṛcaḥ svāheti pratimantram
- 12
भूर् ऋचः स्वाहा भुवो यजूंषि स्वाहा स्वः सामानि स्वाहेति
bhūr ṛcaḥ svāhā bhuvo yajūṃṣi svāhā svaḥ sāmāni svāheti
- 13
प्राशितम् आचान्तम् उत्थाप्य नमो वातायेत्येनं प्रदक्षिणम् अग्निं परिणयेन्नमो वाताय नमो अस्त्वग्नये नमः पृथिव्यै नम ओषधीभ्यो नमो वो ऽदृष्टाय बृहते करोमीति
prāśitam ācāntam utthāpya namo vātāyetyenaṃ pradakṣiṇam agniṃ pariṇayennamo vātāya namo astvagnaye namaḥ pṛthivyai nama oṣadhībhyo namo vo 'dṛṣṭāya bṛhate karomīti
- 14
अधिगन्तर् अधिगच्छ
adhigantar adhigaccha
- 15
प्रदातः प्रयच्छासावमुष्मै वेदम् इति
pradātaḥ prayacchāsāvamuṣmai vedam iti
- 16
अथैनं पश्चाद् अग्नेः प्राङ्मुखम् अवस्थाप्य पुरस्ताद् आचार्यः प्रत्यङ्मुखः
athainaṃ paścād agneḥ prāṅmukham avasthāpya purastād ācāryaḥ pratyaṅmukhaḥ
- 17
तावञ्जली कुरुतः
tāvañjalī kurutaḥ
- 18
उत्तरत आचार्यः
uttarata ācāryaḥ
- 19
तम् अन्यो ऽद्भिः पूरयेत्
tam anyo 'dbhiḥ pūrayet
- 20
निस्रावेणेतरस्य पूरणम्
nisrāveṇetarasya pūraṇam
- 21
अथैनं संशास्ति ब्रह्मचर्यम् अगाम् उप मा नयस्वेति
athainaṃ saṃśāsti brahmacaryam agām upa mā nayasveti
- 22
को नामासीति
ko nāmāsīti
- 23
असाविति नामधेयं दद्यात्
asāviti nāmadheyaṃ dadyāt
- 24
तत्राचार्यो जपति हिं भूर्भुवः स्वर् आगन्त्रा समगन्महि प्र सु मर्त्यं युयोतन
अरिष्टाः संचरेमहि स्वस्ति चरताद् अयम् इति
tatrācāryo japati hiṃ bhūrbhuvaḥ svar āgantrā samaganmahi pra su martyaṃ yuyotana
ariṣṭāḥ saṃcaremahi svasti caratād ayam iti
- 25
अथास्य दक्षिणेन हस्तेन दक्षिणं हस्तं गृह्णातीन्द्रस्ते हस्तम् अग्रभीद्धाता हस्तम् अग्रभीत्पूषा हस्तम् अग्रभीत्सविता हस्तम् अग्रभीद् अर्यमा हस्तम् अग्रभीन्मित्रस्त्वम् असि धर्मणाग्निर् आचार्यस्तवेति
athāsya dakṣiṇena hastena dakṣiṇaṃ hastaṃ gṛhṇātīndraste hastam agrabhīddhātā hastam agrabhītpūṣā hastam agrabhītsavitā hastam agrabhīd aryamā hastam agrabhīnmitrastvam asi dharmaṇāgnir ācāryastaveti
- 26
प्राणानां ग्रन्थिर् असीति नाभिदेशम् आरभ्य जपति प्राणानां ग्रन्थिर् असि मा विस्रसामृत मृत्योर् अन्तरं कुर्विति
prāṇānāṃ granthir asīti nābhideśam ārabhya japati prāṇānāṃ granthir asi mā visrasāmṛta mṛtyor antaraṃ kurviti
- 27
दक्षिणम् अंसम् अन्ववमृश्य मयि व्रत इति हृदयदेशम् आरभ्य जपति मयि व्रते हृदयं ते अस्तु मम चित्तम् अनु चित्तं ते अस्तु
मम वाचम् एकव्रतो जुषस्व बृहस्पतिस्त्वा नियुनक्तु मयीति
dakṣiṇam aṃsam anvavamṛśya mayi vrata iti hṛdayadeśam ārabhya japati mayi vrate hṛdayaṃ te astu mama cittam anu cittaṃ te astu
mama vācam ekavrato juṣasva bṛhaspatistvā niyunaktu mayīti
- 28
अथैनं परिददात्यग्नये त्वा परिददामि वायवे त्वा परिददामि देवाय त्वा सवित्रे परिददाम्यद्भ्यस्त्वौषधीभ्यः परिददामि सर्वेभ्यस्त्वा देवेभ्यः परिददामि सर्वेभ्यस्त्वा भूतेभ्यः परिददाम्यरिष्ट्या इति
athainaṃ paridadātyagnaye tvā paridadāmi vāyave tvā paridadāmi devāya tvā savitre paridadāmyadbhyastvauṣadhībhyaḥ paridadāmi sarvebhyastvā devebhyaḥ paridadāmi sarvebhyastvā bhūtebhyaḥ paridadāmyariṣṭyā iti
- 29
अथैनं संशास्ति ब्रह्मचार्यसि समिध आधेह्य् अपो ऽशान कर्म कुरु मा दिवा स्वाप्सीर् इति
athainaṃ saṃśāsti brahmacāryasi samidha ādhehy apo 'śāna karma kuru mā divā svāpsīr iti
- 30
अग्नये समिधम् आहार्षम् इति घृतेनाक्ताः समिध आदधाति
agnaye samidham āhārṣam iti ghṛtenāktāḥ samidha ādadhāti

