8 shlokas
- 1
संवत्सरस्य समता वेदितव्येति ह स्माह वास्युः
saṃvatsarasya samatā veditavyeti ha smāha vāsyuḥ
- 2
एकम् एव पुरस्ताद्विषुवतो ऽतिरात्रम् उपयन्त्य् एकम् उपरिष्टात्
ekam eva purastādviṣuvato 'tirātram upayanty ekam upariṣṭāt
- 3
त्रिपञ्चाशतम् एव पुरस्ताद्विषुवतो ऽग्निष्टोमान् उपयन्ति त्रिपञ्चाशतम् उपरिष्टात्
tripañcāśatam eva purastādviṣuvato 'gniṣṭomān upayanti tripañcāśatam upariṣṭāt
- 4
विंशतिशतम् एव पुरस्ताद्विषुवत उक्थ्यान् उपयन्ति विंशतिशतम् उपरिष्टात्
viṃśatiśatam eva purastādviṣuvata ukthyān upayanti viṃśatiśatam upariṣṭāt
- 5
षड् एव पुरस्ताद्विषुवतः षोडशिन उपयन्ति षड् उपरिष्टात्
ṣaḍ eva purastādviṣuvataḥ ṣoḍaśina upayanti ṣaḍ upariṣṭāt
- 6
त्रिंशद् एव पुरस्ताद्विषुवतः षडहान् उपयन्ति त्रिंशद् उपरिष्टात्
triṃśad eva purastādviṣuvataḥ ṣaḍahān upayanti triṃśad upariṣṭāt
- 7
सैषा संवत्सरस्य समता
saiṣā saṃvatsarasya samatā
- 8
स य एवम् एतां संवत्सरस्य समतां वेद संवत्सरेण सात्मा सलोको भूत्वा देवान् अप्येतीति ब्राह्मणम्
sa ya evam etāṃ saṃvatsarasya samatāṃ veda saṃvatsareṇa sātmā saloko bhūtvā devān apyetīti brāhmaṇam

