9 shlokas
- 1
अनर्वाणं ह वै देवं दध्यङ्ङ् आङ्गिरस उपसीदं ह यज्ञस्य श्नुष्टिं समश्नवामह इति
anarvāṇaṃ ha vai devaṃ dadhyaṅṅ āṅgirasa upasīdaṃ ha yajñasya śnuṣṭiṃ samaśnavāmaha iti
- 2
स दध्यङ्ङ् आङ्गिरसो ऽब्रवीद्यो वै सप्तदशं प्रजापतिं यज्ञे ऽन्वितं वेद नास्य यज्ञो रिष्यते
sa dadhyaṅṅ āṅgiraso 'bravīdyo vai saptadaśaṃ prajāpatiṃ yajñe 'nvitaṃ veda nāsya yajño riṣyate
- 3
न यज्ञपतिं रिष्यन्त इति
na yajñapatiṃ riṣyanta iti
- 4
ता वा एताः पञ्च व्याहृतयो भवन्त्य् ओ श्रावयास्तु श्रौषड्यज ये यजामहे वौषड् इति
tā vā etāḥ pañca vyāhṛtayo bhavanty o śrāvayāstu śrauṣaḍyaja ye yajāmahe vauṣaḍ iti
- 5
स दध्यङ्ङ् आङ्गिरसो ऽब्रवीन्न वयं विद्मो यदि ब्राह्मणाः स्मो यद्य् अब्राह्मणाः स्मो यदि तस्यर्षेः स्मो वान्यस्येति
sa dadhyaṅṅ āṅgiraso 'bravīnna vayaṃ vidmo yadi brāhmaṇāḥ smo yady abrāhmaṇāḥ smo yadi tasyarṣeḥ smo vānyasyeti
- 6
अनर्वाणश्च ह वा ऋतावन्तश्च पितरः स्वधायाम् आवृषायन्त वयं वदामहै वयं वदामहा इति
anarvāṇaśca ha vā ṛtāvantaśca pitaraḥ svadhāyām āvṛṣāyanta vayaṃ vadāmahai vayaṃ vadāmahā iti
- 7
सो ऽयात्स्वायंभुवो वा ऋतावन्तो मदयातां न वयं वदामहा इति
so 'yātsvāyaṃbhuvo vā ṛtāvanto madayātāṃ na vayaṃ vadāmahā iti
- 8
तस्मात्प्रवरे प्रव्रियमाणे वाचयेद्देवाः पितर इति तिस्रः
tasmātpravare pravriyamāṇe vācayeddevāḥ pitara iti tisraḥ
- 9
य एति संयजति स भवति यश्च न ब्रूते यश्च न ब्रूत इति ब्राह्मणम्
ya eti saṃyajati sa bhavati yaśca na brūte yaśca na brūta iti brāhmaṇam

