7 shlokas
- 1
श्येनो ऽसि गायत्रछन्दाः
अनु त्वारभे
स्वस्ति मा संपारयेति
śyeno 'si gāyatrachandāḥ
anu tvārabhe
svasti mā saṃpārayeti
- 2
स यद् आह श्येनो ऽसीति सोमं वा एतद् आह
sa yad āha śyeno 'sīti somaṃ vā etad āha
- 3
एष ह वा अग्निर्भूत्वास्मिंल्लोके संशाययति
eṣa ha vā agnirbhūtvāsmiṃlloke saṃśāyayati
- 4
तद्यत्संशाययति तस्माच्छ्येनः
tadyatsaṃśāyayati tasmācchyenaḥ
- 5
तच्छ्येनस्य श्येनत्वम्
tacchyenasya śyenatvam
- 6
स यद् आह गायत्रछन्दा अनु त्वारभ इति गायत्रेण छन्दसा वसुभिर्देवैः प्रातःसवने ऽस्मिंल्लोके ऽग्निं सन्तम् अन्वारभते
sa yad āha gāyatrachandā anu tvārabha iti gāyatreṇa chandasā vasubhirdevaiḥ prātaḥsavane 'smiṃlloke 'gniṃ santam anvārabhate
- 7
स यद् आह स्वस्ति मा संपारयेति गायत्रेणैव छन्दसा वसुभिर्देवैः प्रातःसवने ऽस्मिंल्लोके ऽग्निना देवेन स्वस्ति मा संपारयेति गायत्रेणैवैनं तच्छन्दसा वसुभिर्देवैः प्रातःसवने ऽस्मिंल्लोके ऽग्निना देवेन स्वस्ति सम्पद्यते य एवं वेद
sa yad āha svasti mā saṃpārayeti gāyatreṇaiva chandasā vasubhirdevaiḥ prātaḥsavane 'smiṃlloke 'gninā devena svasti mā saṃpārayeti gāyatreṇaivainaṃ tacchandasā vasubhirdevaiḥ prātaḥsavane 'smiṃlloke 'gninā devena svasti sampadyate ya evaṃ veda

