15 shlokas
- 1
सावित्रं ह स्मैतं पूर्वे पुरस्तात्पशुम् आलभन्त इत्य् एतर्हि प्राजापत्यम्
sāvitraṃ ha smaitaṃ pūrve purastātpaśum ālabhanta ity etarhi prājāpatyam
- 2
यो ह्य् एव सविता स प्रजापतिर् इति वदन्तः
yo hy eva savitā sa prajāpatir iti vadantaḥ
- 3
तस्माद् उ समुप्याग्नींस्तेन यजेरन्
tasmād u samupyāgnīṃstena yajeran
- 4
ते समानधिष्ण्या एव स्युर् ओखासंभरणीयायाः
te samānadhiṣṇyā eva syur okhāsaṃbharaṇīyāyāḥ
- 5
उखासंभरणीयायां विन्युप्याग्नींस्तया यजेरन्
ukhāsaṃbharaṇīyāyāṃ vinyupyāgnīṃstayā yajeran
- 6
ते नानाधिष्ण्या एव स्युर् आ दीक्षणीयायाः
te nānādhiṣṇyā eva syur ā dīkṣaṇīyāyāḥ
- 7
दीक्षणीयायां संन्युप्याग्नींस्तया यजेरन्
dīkṣaṇīyāyāṃ saṃnyupyāgnīṃstayā yajeran
- 8
ते समानधिष्ण्या एव स्युर् ओदवसानीयायाः
te samānadhiṣṇyā eva syur odavasānīyāyāḥ
- 9
उदवसानीयायां विन्युप्याग्नींस्तया यजेरन्
udavasānīyāyāṃ vinyupyāgnīṃstayā yajeran
- 10
ते नानाधिष्ण्या एव स्युः
te nānādhiṣṇyā eva syuḥ
- 11
अथ यदि यजमानस्योपतपेत्पार्श्वतो ऽग्नीन् आधाय तावद् आसीत यावद् अगदः स्यात्
atha yadi yajamānasyopatapetpārśvato 'gnīn ādhāya tāvad āsīta yāvad agadaḥ syāt
- 12
यदि प्रेयात्स्वैर् एव तम् अग्निभिर्दहेत्
yadi preyātsvair eva tam agnibhirdahet
- 13
अशवाग्निभिर् इतरे यजमाना आसत इति वदन्तः
aśavāgnibhir itare yajamānā āsata iti vadantaḥ
- 14
तस्य तद् एव ब्राह्मणं यद् अदः पुरःसवने
tasya tad eva brāhmaṇaṃ yad adaḥ puraḥsavane
- 15
पितृमेध आशिषो व्याख्याताः
pitṛmedha āśiṣo vyākhyātāḥ

