11 shlokas
- 1
पुरुषं ह वै नारायणं प्रजापतिर् उवाच यजस्व यजस्वेति
puruṣaṃ ha vai nārāyaṇaṃ prajāpatir uvāca yajasva yajasveti
- 2
स होवाच यजस्व यजस्वेत्य् एवं हात्थ मा
sa hovāca yajasva yajasvety evaṃ hāttha mā
- 3
त्रिर् अपिक्षत मे वसवः प्रातःसवनेनागू रुद्रा माध्यंदिनसवनेनादित्यास्तृतीयसवनेन
trir apikṣata me vasavaḥ prātaḥsavanenāgū rudrā mādhyaṃdinasavanenādityāstṛtīyasavanena
- 4
यज्ञवास्तुन्य् एव पर्यशिषो यज्ञवास्तुम् इत्य् एवम् आशिषो ऽहं वा एतद्वेद यज्ञे वसवः प्रातःसवनेनागू रुद्रा माध्यंदिनसवनेनादित्यास्तृतीयसवनेन यज्ञवास्तुन्य् एव पर्यशिषो यज्ञवास्तुम् इत्य् एवम् आशिषो विद्वांसो नूनं त्वा याजयेयुः
yajñavāstuny eva paryaśiṣo yajñavāstum ity evam āśiṣo 'haṃ vā etadveda yajñe vasavaḥ prātaḥsavanenāgū rudrā mādhyaṃdinasavanenādityāstṛtīyasavanena yajñavāstuny eva paryaśiṣo yajñavāstum ity evam āśiṣo vidvāṃso nūnaṃ tvā yājayeyuḥ
- 5
एते ह वा अविद्वांसो यत्रानृग्विद्धोता भवत्य् अयजुर्विद् अध्वर्युर् असामविद् उद्गाताभृग्वङ्गिरोविद्ब्रह्मा
ete ha vā avidvāṃso yatrānṛgviddhotā bhavaty ayajurvid adhvaryur asāmavid udgātābhṛgvaṅgirovidbrahmā
- 6
यजस्वैव हन्त तु ते तद्वक्ष्यामि
yajasvaiva hanta tu te tadvakṣyāmi
- 7
यथा सूत्रे मणिर् इव सूत्रम् एतान्य् उक्थाहानि भवन्ति सूत्रम् इव वा मणाव् इति
yathā sūtre maṇir iva sūtram etāny ukthāhāni bhavanti sūtram iva vā maṇāv iti
- 8
तस्माद्य एव सर्ववित्स्यात्तं ब्रह्माणं कुर्वीत
tasmādya eva sarvavitsyāttaṃ brahmāṇaṃ kurvīta
- 9
एष ह वै विद्वांत्सर्वविद्ब्रह्मा यद्भृग्वङ्गिरोवित्
eṣa ha vai vidvāṃtsarvavidbrahmā yadbhṛgvaṅgirovit
- 10
एते ह वा अस्य सर्वस्य शमयितारः पालयितारः
ete ha vā asya sarvasya śamayitāraḥ pālayitāraḥ
- 11
तस्माद्ब्रह्मा स्तुते बहिष्पवमाने वाचयति
tasmādbrahmā stute bahiṣpavamāne vācayati

