11 shlokas
- 1
अथ संस्थिते संस्थिते सवने वाचयति मयि भर्गो मयि महो मयि यशो मयि सर्वम् इति
atha saṃsthite saṃsthite savane vācayati mayi bhargo mayi maho mayi yaśo mayi sarvam iti
- 2
पृथिव्य् एव भर्गो ऽन्तरिक्ष एव महो द्यौर् एव यशो ऽप एव सर्वम्
pṛthivy eva bhargo 'ntarikṣa eva maho dyaur eva yaśo 'pa eva sarvam
- 3
अग्निर् एव भर्गो वायुर् एव मह आदित्य एव यशश्चन्द्रमा एव सर्वम्
agnir eva bhargo vāyur eva maha āditya eva yaśaścandramā eva sarvam
- 4
वसव एव भर्गो रुद्रा एव मह आदित्या एव यशो विश्वेदेवा एव सर्वम्
vasava eva bhargo rudrā eva maha ādityā eva yaśo viśvedevā eva sarvam
- 5
गायत्र्य् एव भर्गस्त्रिष्टुब् एव महो जगत्य् एव यशो ऽनुष्टुब् एव सर्वम्
gāyatry eva bhargastriṣṭub eva maho jagaty eva yaśo 'nuṣṭub eva sarvam
- 6
प्राच्य् एव भर्गः प्रतीच्य् एव मह उदीच्य् एव यशो दक्षिणैव सर्वम्
prācy eva bhargaḥ pratīcy eva maha udīcy eva yaśo dakṣiṇaiva sarvam
- 7
वसन्त एव भर्गो ग्रीष्म एव महो वर्षा एव यशः शरद् एव सर्वम्
vasanta eva bhargo grīṣma eva maho varṣā eva yaśaḥ śarad eva sarvam
- 8
त्रिवृद् एव भर्गः पञ्चदश एव महः सप्तदश एव यश एकविंश एव सर्वम्
trivṛd eva bhargaḥ pañcadaśa eva mahaḥ saptadaśa eva yaśa ekaviṃśa eva sarvam
- 9
ऋग्वेद एव भर्गो यजुर्वेद एव महः सामवेद एव यशो ब्रह्मवेद एव सर्वम्
ṛgveda eva bhargo yajurveda eva mahaḥ sāmaveda eva yaśo brahmaveda eva sarvam
- 10
होतैव भर्गो ऽध्वर्युर् एव मह उद्गातैव यशो ब्रह्मैव सर्वम्
hotaiva bhargo 'dhvaryur eva maha udgātaiva yaśo brahmaiva sarvam
- 11
वाग् एव भर्गः प्राण एव महश्चक्षुर् एव यशो मन एव सर्वम्
vāg eva bhargaḥ prāṇa eva mahaścakṣur eva yaśo mana eva sarvam

