15 shlokas
- 1
संमृष्टे ऽग्नौ नार्षेयं वृणीते न होतारम्
saṃmṛṣṭe 'gnau nārṣeyaṃ vṛṇīte na hotāram
- 2
आश्राव्य प्रत्याश्राविते सीद होतर् इत्य् एतावन्तं प्रवरं ब्रूयात्
āśrāvya pratyāśrāvite sīda hotar ity etāvantaṃ pravaraṃ brūyāt
- 3
अपबर्हिषः प्रयाजाः
apabarhiṣaḥ prayājāḥ
- 4
औपभृतस्यार्धं जुह्वाम् आनीया नो ऽग्ने सुकेतुना त्वं सोम महे भगम् इति जीववन्ताव् आज्यभागौ
aupabhṛtasyārdhaṃ juhvām ānīyā no 'gne suketunā tvaṃ soma mahe bhagam iti jīvavantāv ājyabhāgau
- 5
सर्वे प्राचीनावीतिनो विपरिक्रामन्त्य् आज्यानि हवींषि च विपरिहरन्त्य् उत्तरेणाहवनीयं ब्रह्मयजमानौ दक्षिणेनेतरे
sarve prācīnāvītino viparikrāmanty ājyāni havīṃṣi ca vipariharanty uttareṇāhavanīyaṃ brahmayajamānau dakṣiṇenetare
- 6
दक्षिणेन जुहूम् उपभृतं सादयति तां दक्षिणेन ध्रुवां दक्षिणेन पुरोडाशं धानाः सादयति ता दक्षिणेन मन्थम्
dakṣiṇena juhūm upabhṛtaṃ sādayati tāṃ dakṣiṇena dhruvāṃ dakṣiṇena puroḍāśaṃ dhānāḥ sādayati tā dakṣiṇena mantham
- 7
षडवत्तः पञ्चावत्तिनां पञ्चावत्तश्चतुरवत्तिनाम्
ṣaḍavattaḥ pañcāvattināṃ pañcāvattaścaturavattinām
- 8
उपांशु पितृयज्ञेन चरन्ति
upāṃśu pitṛyajñena caranti
- 9
त्रिभ्यो हविर्भ्यः समवदायैकैकां देवतां यजति
tribhyo havirbhyaḥ samavadāyaikaikāṃ devatāṃ yajati
- 10
तत्तद्देवतायै तत्तद्धविषः प्रथमम् अवद्येद्द्विः पञ्चावत्तिनः सकृच्चतुरवत्तिनः
tattaddevatāyai tattaddhaviṣaḥ prathamam avadyeddviḥ pañcāvattinaḥ sakṛccaturavattinaḥ
- 11
जुह्वाम् उपस्तीर्य पुरोडाशाद् अवदाय धानाभ्यश्च मन्थाच्च सकृत्सकृद् अवदाय सकृद् अभिघारयति चतुरवत्तिनः
juhvām upastīrya puroḍāśād avadāya dhānābhyaśca manthācca sakṛtsakṛd avadāya sakṛd abhighārayati caturavattinaḥ
- 12
सोमाय पितृमते ऽनु स्वधेति संप्रेष्यति
somāya pitṛmate 'nu svadheti saṃpreṣyati
- 13
त्वं सोम प्रचिकितो मनीषा त्वया हि नः पितरः सोमेति होता द्वे पुरोनुवाक्ये सप्रणवे अन्वाह
tvaṃ soma pracikito manīṣā tvayā hi naḥ pitaraḥ someti hotā dve puronuvākye sapraṇave anvāha
- 14
अथाध्वर्युर्दक्षिणतो हविर् आदायोदङ्ङ् अतिक्रम्या स्वधा स्वधेति वाश्रावयति
athādhvaryurdakṣiṇato havir ādāyodaṅṅ atikramyā svadhā svadheti vāśrāvayati
- 15
अस्तु स्वधा स्वधेति वा प्रत्याश्रावयति
astu svadhā svadheti vā pratyāśrāvayati

