12 shlokas
- 1
आज्यग्रहे ध्रुवायाम् एव गृहीत्वा ब्रह्माणम् आमन्त्र्य वेदिं प्रोक्ष्य तच्छेषं निनीयापिसृज्य पवित्रे अन्तर्वेदि विधृतौ निधाय प्रस्तरम् आसाद्य ध्रुवां स्रुवं च सादयति
ājyagrahe dhruvāyām eva gṛhītvā brahmāṇam āmantrya vediṃ prokṣya taccheṣaṃ ninīyāpisṛjya pavitre antarvedi vidhṛtau nidhāya prastaram āsādya dhruvāṃ sruvaṃ ca sādayati
- 2
एषासदद् इत्य् अभिमन्त्रणं संनमति
eṣāsadad ity abhimantraṇaṃ saṃnamati
- 3
विष्ण्वसीत्य् आज्याभिमन्त्रणम्
viṣṇvasīty ājyābhimantraṇam
- 4
हविरुद्वासने शृताद्धविषः शरम् आदाय सुरक्षितं निधाय निर्णिज्य पात्रीषूपस्तीर्य तासु प्रतिपुरुषम् ओदनान् उद्धरति
havirudvāsane śṛtāddhaviṣaḥ śaram ādāya surakṣitaṃ nidhāya nirṇijya pātrīṣūpastīrya tāsu pratipuruṣam odanān uddharati
- 5
त्रीन् इत्य् एके
trīn ity eke
- 6
निष्कासितां कुम्भीं निदधाति
niṣkāsitāṃ kumbhīṃ nidadhāti
- 7
अनिर्मृष्टं दर्व्युदायुवनम् अवधायोदनान् उद्धृतान् अभिघारितान् उत्पूतान् अलंकृतान् अन्तर्वेद्य् आसादयति
anirmṛṣṭaṃ darvyudāyuvanam avadhāyodanān uddhṛtān abhighāritān utpūtān alaṃkṛtān antarvedy āsādayati
- 8
अन्वाहार्यपचने पत्न्यै स्त्रीकुमारेभ्यश्च प्रतिवेशम् ओदनं पचति
anvāhāryapacane patnyai strīkumārebhyaśca prativeśam odanaṃ pacati
- 9
तद्द्वयोः पात्रयोर् उद्धृत्योद्धृतयोर् ओदनयोर्बिले कृत्वा तयोः प्रभूतम् आज्यम् आसिच्यान्तर्वेद्य् आसादयति
taddvayoḥ pātrayor uddhṛtyoddhṛtayor odanayorbile kṛtvā tayoḥ prabhūtam ājyam āsicyāntarvedy āsādayati
- 10
होतृषदनकल्पनान्ते ऽग्निम् उपवाज्याज्यभागाभ्यां प्रचर्य स्रुच्य् उपस्तीर्य सर्वेभ्य ओदनेभ्यो द्विर्द्विः समवदायाभिघार्य प्रत्यज्य मरुद्भ्यो गृहमेधिभ्यो ऽनुब्रूहीति संप्रेष्य दक्षिणातिक्रम्याश्राव्य प्रत्याश्राविते मरुतो गृहमेधिनो यजेति संप्रेष्यति
hotṛṣadanakalpanānte 'gnim upavājyājyabhāgābhyāṃ pracarya srucy upastīrya sarvebhya odanebhyo dvirdviḥ samavadāyābhighārya pratyajya marudbhyo gṛhamedhibhyo 'nubrūhīti saṃpreṣya dakṣiṇātikramyāśrāvya pratyāśrāvite maruto gṛhamedhino yajeti saṃpreṣyati
- 11
वषट्कृते हुत्वोदङ्ङ् अत्याक्रम्य सर्वेषाम् उत्तरार्धेभ्यः सकृत्सकृत्समवदायाग्निं स्विष्टकृतं यजति
vaṣaṭkṛte hutvodaṅṅ atyākramya sarveṣām uttarārdhebhyaḥ sakṛtsakṛtsamavadāyāgniṃ sviṣṭakṛtaṃ yajati
- 12
इडान्तो गृहमेधीयः संतिष्ठते
iḍānto gṛhamedhīyaḥ saṃtiṣṭhate

