10 shlokas
- 1
पूर्ववच्चतुर्षु मासेषु कार्त्तिक्यां मार्गशीर्ष्यां वा पूर्वस्मिन्पर्वण्य् औपवसथ्ये ऽहनि द्व्यहं साकमेधहविर्भिर्यजते
pūrvavaccaturṣu māseṣu kārttikyāṃ mārgaśīrṣyāṃ vā pūrvasminparvaṇy aupavasathye 'hani dvyahaṃ sākamedhahavirbhiryajate
- 2
अग्नये ऽनीकवते पुरोडाशम् अष्टाकपालं निर्वपति साकं सूर्येणोद्यतेति यथा समाम्नाता अनीकवान्त्सांतपनो गृहमेधीय इति तिस्र इष्टयः
agnaye 'nīkavate puroḍāśam aṣṭākapālaṃ nirvapati sākaṃ sūryeṇodyateti yathā samāmnātā anīkavāntsāṃtapano gṛhamedhīya iti tisra iṣṭayaḥ
- 3
यद् अनीकवतो बर्हिस्तत्सांतपनस्य तद्गृहमेधीयस्य
yad anīkavato barhistatsāṃtapanasya tadgṛhamedhīyasya
- 4
तत्स्तीर्णं बर्हिर्नान्यद् इध्माबर्हिर्न प्रयाजानूयाजाः
tatstīrṇaṃ barhirnānyad idhmābarhirna prayājānūyājāḥ
- 5
तूष्णीं गृहमेधीयस्य वत्सान् अपाकरोत्य् अपि वा सायंदोहवद्दुग्धे चरुर्भवति
tūṣṇīṃ gṛhamedhīyasya vatsān apākaroty api vā sāyaṃdohavaddugdhe carurbhavati
- 6
सायं हुते ऽग्निहोत्रे ऽग्नीन् अन्वाधाय वेदं कृत्वा परिस्तरणादि प्रतिपद्य पात्रसंसादनकाले कुम्भीं तिस्रश्च पात्रीः संसादयति
sāyaṃ hute 'gnihotre 'gnīn anvādhāya vedaṃ kṛtvā paristaraṇādi pratipadya pātrasaṃsādanakāle kumbhīṃ tisraśca pātrīḥ saṃsādayati
- 7
निर्वपणकाले मरुद्भ्यो गृहमेधिभ्यश्चतुरो मुष्टीन्निरुप्य यावद्यजुर् उत्पूताभिमन्त्रितदुग्धं प्रभूतान्व्रीहीन् अन्वावपति
nirvapaṇakāle marudbhyo gṛhamedhibhyaścaturo muṣṭīnnirupya yāvadyajur utpūtābhimantritadugdhaṃ prabhūtānvrīhīn anvāvapati
- 8
कपालस्थाने ध्रुवो ऽसीति मन्त्रं संनम्य चरुम् उपदधाति
kapālasthāne dhruvo 'sīti mantraṃ saṃnamya carum upadadhāti
- 9
पिष्टोत्पवनस्थाने तण्डुलान् उत्पुनाति
piṣṭotpavanasthāne taṇḍulān utpunāti
- 10
प्रोक्षणीर् आसादय स्रुवं च स्रुचश्च संमृड्ढि पत्नीं संनह्याज्येनोदेहीति संप्रेष्यति
prokṣaṇīr āsādaya sruvaṃ ca srucaśca saṃmṛḍḍhi patnīṃ saṃnahyājyenodehīti saṃpreṣyati

