14 shlokas
- 1
उदकुम्भम् आदाय यजमानः शुन्धन्तां पितर इति त्रिः प्रसव्यं वेदिम् अपः परिषिञ्चन्पर्येति
udakumbham ādāya yajamānaḥ śundhantāṃ pitara iti triḥ prasavyaṃ vedim apaḥ pariṣiñcanparyeti
- 2
निधाय कुम्भम् अया विष्ठा जनयन्न् इति त्रिर् अपरिषिञ्चन्प्रतिपर्येति
nidhāya kumbham ayā viṣṭhā janayann iti trir apariṣiñcanpratiparyeti
- 3
आञ्जनाभ्यञ्जनादि पिण्डपितृयज्ञवत्कृत्वा परिश्रितं विसृज्य परिधीन्यथापूर्वं निधाय यज्ञोपवीतिनो ब्रह्मन्प्रस्थास्याम इत्य् अपबर्हिर्भ्याम् अनूयाजाभ्यां संप्रेष्यति देवौ यजेति प्रथमम् अनूयाजं यजेत्य् उत्तरम्
āñjanābhyañjanādi piṇḍapitṛyajñavatkṛtvā pariśritaṃ visṛjya paridhīnyathāpūrvaṃ nidhāya yajñopavītino brahmanprasthāsyāma ity apabarhirbhyām anūyājābhyāṃ saṃpreṣyati devau yajeti prathamam anūyājaṃ yajety uttaram
- 4
स्रुचौ सादयित्वा वाजवतीभ्यां व्यूहति
srucau sādayitvā vājavatībhyāṃ vyūhati
- 5
होता सूक्तवाकं प्रतिपद्यते
hotā sūktavākaṃ pratipadyate
- 6
न पत्नीः संयाजयन्ति न समिष्टयजुः
na patnīḥ saṃyājayanti na samiṣṭayajuḥ
- 7
पात्राणि द्वन्द्वम् उदाहरन्ति
pātrāṇi dvandvam udāharanti
- 8
सर्वम् अन्यत्सिद्धम्
sarvam anyatsiddham
- 9
प्रतिपूरुषं त्रैयम्बकान्रौद्रान् एककपालान्निर्वपत्य् एकम् अतिरिक्तं यावन्तो यजमानस्यामात्याः सस्त्रीकास्तेषाम्
pratipūruṣaṃ traiyambakānraudrān ekakapālānnirvapaty ekam atiriktaṃ yāvanto yajamānasyāmātyāḥ sastrīkāsteṣām
- 10
यावन्तो गृह्याः स्म इति निरुप्यमाणेषु व्रीहिषु यजमानो जपति
yāvanto gṛhyāḥ sma iti nirupyamāṇeṣu vrīhiṣu yajamāno japati
- 11
अयजुष्काः पुरोडाशा भवन्ति
ayajuṣkāḥ puroḍāśā bhavanti
- 12
गार्हपत्याद् उदीचो ऽङ्गारान्निरूह्य तेष्व् अधिश्रित्य नाभिघारयति
gārhapatyād udīco 'ṅgārānnirūhya teṣv adhiśritya nābhighārayati
- 13
सते हवींष्य् उद्वास्यान्तर्वेद्य् आसाद्य पशूनां शर्मासीति मूते महत्य् ओप्यैक एव रुद्र इत्य् अन्वाहार्यपचनाद् एकोल्मुकम् आदायापरेण गार्हपत्यं गत्वोत्तरपूर्वं चतुष्पथं यन्ति
sate havīṃṣy udvāsyāntarvedy āsādya paśūnāṃ śarmāsīti mūte mahaty opyaika eva rudra ity anvāhāryapacanād ekolmukam ādāyāpareṇa gārhapatyaṃ gatvottarapūrvaṃ catuṣpathaṃ yanti
- 14
आखुस्ते रुद्र पशुर् इत्य् आखुमूषायाम् एकं पुरोडाशम् उपवपति
ākhuste rudra paśur ity ākhumūṣāyām ekaṃ puroḍāśam upavapati

