8 shlokas
- 1
दक्षिणतः षट्कपालान्य् उपधाय ध्रुवम् असीति प्रथमेन मन्त्रेणान्वाहार्यपचने धानाभ्यः कपालम् उपदधाति मखस्य शिरो ऽसीति षट्कपालम् अधिश्रित्य तेनैव मन्त्रेण घर्माः स्थ विश्वायुव इति संनम्य वा धाना आवपति ताश्च विदह्यमानाः शेरते विदह्यमाना बहुरूपा भवन्ति
dakṣiṇataḥ ṣaṭkapālāny upadhāya dhruvam asīti prathamena mantreṇānvāhāryapacane dhānābhyaḥ kapālam upadadhāti makhasya śiro 'sīti ṣaṭkapālam adhiśritya tenaiva mantreṇa gharmāḥ stha viśvāyuva iti saṃnamya vā dhānā āvapati tāśca vidahyamānāḥ śerate vidahyamānā bahurūpā bhavanti
- 2
परिगृहीत उत्तरस्मिन्परिग्राहे पत्नीसंनहनाद् अन्यत्संप्रेष्यति
parigṛhīta uttarasminparigrāhe patnīsaṃnahanād anyatsaṃpreṣyati
- 3
न पत्न्य् अन्वास्ते न संयाजयन्तीति विज्ञायते
na patny anvāste na saṃyājayantīti vijñāyate
- 4
चतुर्गृहीतान्य् उत्तरेण गार्हपत्यम् आज्यानि गृह्णाति द्विर्वोपभृति
caturgṛhītāny uttareṇa gārhapatyam ājyāni gṛhṇāti dvirvopabhṛti
- 5
वेदिस्तरणे प्राचीनावीत्य् अग्रेषु बर्हिर् अभिगृह्य वेदिं स्तृणंस्त्रिः प्रसव्यं धून्वन्पर्येति
vedistaraṇe prācīnāvīty agreṣu barhir abhigṛhya vediṃ stṛṇaṃstriḥ prasavyaṃ dhūnvanparyeti
- 6
शिष्टान् अभिगृहीतान्दर्भान्प्रस्तरीकृत्योपवीय त्रिर् अधून्वन्न् अस्तृणन्प्रदक्षिणं पर्येति
śiṣṭān abhigṛhītāndarbhānprastarīkṛtyopavīya trir adhūnvann astṛṇanpradakṣiṇaṃ paryeti
- 7
द्वौ त्रीन्वा परिधीन्परिदधाति
dvau trīnvā paridhīnparidadhāti
- 8
यदि त्रीन् आवाहने परिधींर् अपोर्ण्व् इत्य् उच्यमाने वा दक्षिणं मध्यमे परिधाव् उपसमस्यति
yadi trīn āvāhane paridhīṃr aporṇv ity ucyamāne vā dakṣiṇaṃ madhyame paridhāv upasamasyati

