13 shlokas
- 1
असौ ते रुद्र पशुर् इति वा निर्दिशेद्यं द्विष्यात्
asau te rudra paśur iti vā nirdiśedyaṃ dviṣyāt
- 2
चतुष्पथे स्थण्डिलम् उल्लिख्यैकोल्मुकं निधायोपसमिध्य परिस्तीर्य मध्यमेन पलाशपर्णेन सर्वेभ्यः पुरोडाशानाम् उत्तरार्धेभ्यः सकृत्सकृद् अवदायैष ते रुद्र भाग इति तस्मिन्न् अग्नौ जुहोति
catuṣpathe sthaṇḍilam ullikhyaikolmukaṃ nidhāyopasamidhya paristīrya madhyamena palāśaparṇena sarvebhyaḥ puroḍāśānām uttarārdhebhyaḥ sakṛtsakṛd avadāyaiṣa te rudra bhāga iti tasminn agnau juhoti
- 3
एतत्पर्णं यं द्विष्यात्तस्य संचरे पशूनां न्यस्येत्
etatparṇaṃ yaṃ dviṣyāttasya saṃcare paśūnāṃ nyasyet
- 4
भेषजं गव इति द्वाभ्याम् अग्निम् उपतिष्ठन्ते ऽवाम्ब रुद्रमदिमहीति यजमानो जपति
bheṣajaṃ gava iti dvābhyām agnim upatiṣṭhante 'vāmba rudramadimahīti yajamāno japati
- 5
यजमानस्यामात्याः सर्व एकम् एकं पुरोडाशम् आदाय त्र्यम्बकं यजामह इत्य् एतम् अग्निं प्रदक्षिणं दक्षिणान् ऊरून् आघ्नानाः परियन्ति
yajamānasyāmātyāḥ sarva ekam ekaṃ puroḍāśam ādāya tryambakaṃ yajāmaha ity etam agniṃ pradakṣiṇaṃ dakṣiṇān ūrūn āghnānāḥ pariyanti
- 6
तान्पुरोडाशान् ऊर्ध्वम् उदस्य प्रतिलभ्योत्तरतस्तिष्ठतो यजमानस्याञ्जलौ समोप्य भगः स्थ भगस्य वो लप्सीयेत्य् उपाददते
tānpuroḍāśān ūrdhvam udasya pratilabhyottaratastiṣṭhato yajamānasyāñjalau samopya bhagaḥ stha bhagasya vo lapsīyety upādadate
- 7
एवं द्वितीयं तृतीयं च
evaṃ dvitīyaṃ tṛtīyaṃ ca
- 8
तृतीये पर्याये नोपाददते
tṛtīye paryāye nopādadate
- 9
भगेन त्वा संसृजामि मासरेण सुराम् इवेति संसृजन्ति
bhagena tvā saṃsṛjāmi māsareṇa surām iveti saṃsṛjanti
- 10
तम् आदाय वृक्षे बध्नाति
tam ādāya vṛkṣe badhnāti
- 11
एष ते रुद्र भाग इति प्रणवान्तेना तमितोर् उपतिष्ठन्ते
eṣa te rudra bhāga iti praṇavāntenā tamitor upatiṣṭhante
- 12
अपः परिषिच्याप्रतीक्षम् आयन्ति
apaḥ pariṣicyāpratīkṣam āyanti
- 13
हस्तपादान्प्रक्षाल्य यथेतम् एत्य गोष्ठे मार्जयन्ते
hastapādānprakṣālya yathetam etya goṣṭhe mārjayante

