19 shlokas
- 1
हविर्भोजनेभ्य ओदनान् उपहरति
havirbhojanebhya odanān upaharati
- 2
प्रतिवेशपक्वान्पत्नी स्त्रीकुमाराः प्राश्नन्ति यः स्थाल्याम् ओदनस्तम् अन्ये ब्राह्मणाः
prativeśapakvānpatnī strīkumārāḥ prāśnanti yaḥ sthālyām odanastam anye brāhmaṇāḥ
- 3
सर्व आशिता आञ्जते ऽभ्यञ्जते ऽनु वत्सान्वासयन्ति
sarva āśitā āñjate 'bhyañjate 'nu vatsānvāsayanti
- 4
सुहिता एतां रात्रिं वसन्ति
suhitā etāṃ rātriṃ vasanti
- 5
पूर्णदर्व्याय शरनिष्कासं दर्व्युदायुवनं च परिशिनष्टि
pūrṇadarvyāya śaraniṣkāsaṃ darvyudāyuvanaṃ ca pariśinaṣṭi
- 6
अपररात्रे ऽध्वर्युर् अभिवान्यवत्साया अग्निहोत्र्याश्च वत्सौ संयम्य पुरा प्रातरग्निहोत्राद्दर्व्याम् उपस्तीर्य तस्यां सर्वश एव निष्कासं शरं चानिमृष्टं दर्व्युदायुवनम् अवधाय द्विर् आज्येनाभिघारयति
apararātre 'dhvaryur abhivānyavatsāyā agnihotryāśca vatsau saṃyamya purā prātaragnihotrāddarvyām upastīrya tasyāṃ sarvaśa eva niṣkāsaṃ śaraṃ cānimṛṣṭaṃ darvyudāyuvanam avadhāya dvir ājyenābhighārayati
- 7
ऋषभे नर्दति पूर्णा दर्वीत्य् अनुद्रुत्य देहि म इति गार्हपत्ये जुहोति
ṛṣabhe nardati pūrṇā darvīty anudrutya dehi ma iti gārhapatye juhoti
- 8
यद्य् ऋषभो न नर्देद्ब्रह्मा हिंकुर्यात्
yady ṛṣabho na nardedbrahmā hiṃkuryāt
- 9
यो नर्दति स दक्षिणा
yo nardati sa dakṣiṇā
- 10
पयसा प्रातर्हुते ऽग्निहोत्रे मरुद्भ्यः क्रीडिभ्यः पुरोडाशं सप्तकपालं निर्वपति साकं सूर्येणोद्यता
payasā prātarhute 'gnihotre marudbhyaḥ krīḍibhyaḥ puroḍāśaṃ saptakapālaṃ nirvapati sākaṃ sūryeṇodyatā
- 11
मरुद्भ्यः स्वतवद्भ्य इत्य् एके
marudbhyaḥ svatavadbhya ity eke
- 12
अथ पञ्च संचराण्य् ऐन्द्राग्नम् एकादशकपालम् ऐन्द्रं चरुं वैश्वकर्मणम् एककपालम् इत्य् अपराण्य् अष्टौ महान्ति हवींषि वरुणप्रघासोत्तरविहारवत्प्रयुनक्ति
atha pañca saṃcarāṇy aindrāgnam ekādaśakapālam aindraṃ caruṃ vaiśvakarmaṇam ekakapālam ity aparāṇy aṣṭau mahānti havīṃṣi varuṇapraghāsottaravihāravatprayunakti
- 13
असंसृष्टम् ऐन्द्राग्नम् अवहृत्य सुरक्षितं पृथक्तुषान्निदधाति
asaṃsṛṣṭam aindrāgnam avahṛtya surakṣitaṃ pṛthaktuṣānnidadhāti
- 14
अग्ने वेर्होत्रं वेर्दूत्यम् इति स्रुच्यम् आघारम् आघारयति
agne verhotraṃ verdūtyam iti srucyam āghāram āghārayati
- 15
वाग् अस्य् आग्नेयीति यजमानो ऽनुमन्त्रयते
vāg asy āgneyīti yajamāno 'numantrayate
- 16
सहश्च सहस्यश्चेति चतुर्भिर् एककपालम् अभिजुहोति
sahaśca sahasyaśceti caturbhir ekakapālam abhijuhoti
- 17
धेनुर्दक्षिणा
dhenurdakṣiṇā
- 18
इदावत्सरीणाꣳ स्वस्तिम् आशास्त इत्य् आशिःषु होतानुवर्तयति
idāvatsarīṇām̐ svastim āśāsta ity āśiḥṣu hotānuvartayati
- 19
ऐन्द्राग्नतुषैर् अवभृथम् अभ्यवयन्ति
aindrāgnatuṣair avabhṛtham abhyavayanti

