14 shlokas
- 1
अथ महापितृयज्ञो भवति
atha mahāpitṛyajño bhavati
- 2
वेदं कृत्वान्वाहार्यपचनस्य दक्षिणापूर्वस्यां दिशि दिक्षु स्रक्तिमतीं चतुररत्नीं यजमानमात्रीं वा समचतुरश्रां वेदिम् उद्धृत्य न खनेत्
vedaṃ kṛtvānvāhāryapacanasya dakṣiṇāpūrvasyāṃ diśi dikṣu sraktimatīṃ caturaratnīṃ yajamānamātrīṃ vā samacaturaśrāṃ vedim uddhṛtya na khanet
- 3
देवप्रवादे मन्त्रे सर्वत्रोपरि देवशब्दस्य पितृशब्दं संनमति यथा देवेभ्यः पितृभ्यो जुष्टं देवानां पितॄणां परिषूतम् असि देवपितृबर्हिर् इति
devapravāde mantre sarvatropari devaśabdasya pitṛśabdaṃ saṃnamati yathā devebhyaḥ pitṛbhyo juṣṭaṃ devānāṃ pitṝṇāṃ pariṣūtam asi devapitṛbarhir iti
- 4
सर्वतः परिश्रित्योदीच्यां स्रक्तौ द्वारं करोति
sarvataḥ pariśrityodīcyāṃ sraktau dvāraṃ karoti
- 5
अपरिगृहीत उत्तरस्मिन्परिग्राहे ऽन्वाहार्यपचनाद् अङ्गारान् उद्धृत्य वेदिमध्ये निदधाति
aparigṛhīta uttarasminparigrāhe 'nvāhāryapacanād aṅgārān uddhṛtya vedimadhye nidadhāti
- 6
अयम् अत्राहवनीयः
ayam atrāhavanīyaḥ
- 7
एतम् आहवनीयं गार्हपत्यम् अन्वाहार्यपचनं चान्वाधाय पिण्डपितृयज्ञवद्बर्हिर् आहरति
etam āhavanīyaṃ gārhapatyam anvāhāryapacanaṃ cānvādhāya piṇḍapitṛyajñavadbarhir āharati
- 8
वर्षीयान् इध्म इध्माद्भवति
varṣīyān idhma idhmādbhavati
- 9
मध्यमोत्तरौ द्वौ परिधी त्रयो वा
madhyamottarau dvau paridhī trayo vā
- 10
पात्रसंसादने ऽर्धपात्रं प्रोक्षणीकुम्भ इक्षुशलाका वारणं पात्रं शरावं वा येन चार्थस्तान्य् एकैकशः प्रयुनक्ति
pātrasaṃsādane 'rdhapātraṃ prokṣaṇīkumbha ikṣuśalākā vāraṇaṃ pātraṃ śarāvaṃ vā yena cārthastāny ekaikaśaḥ prayunakti
- 11
निर्वपणकाले सोमाय पितृमते पुरोडाशं षट्कपालं निर्वपतीति यथा समाम्नातानि त्रीणि हवींषि
nirvapaṇakāle somāya pitṛmate puroḍāśaṃ ṣaṭkapālaṃ nirvapatīti yathā samāmnātāni trīṇi havīṃṣi
- 12
दक्षिणतः प्राचीनावीती यवान्निर्वपति
dakṣiṇataḥ prācīnāvītī yavānnirvapati
- 13
उत्तरत एवोपवीय निर्वपेद् इति विज्ञायते
uttarata evopavīya nirvaped iti vijñāyate
- 14
प्रोक्षणीभिर्यवान्संयुत्यावहत्य त्रिष्फलीकृत्य यथाभागमन्त्रेण षट्कपालं विभज्य पिनष्टि
prokṣaṇībhiryavānsaṃyutyāvahatya triṣphalīkṛtya yathābhāgamantreṇa ṣaṭkapālaṃ vibhajya pinaṣṭi

