10 shlokas
- 1
अधिषवणफलके असंतृण्णे औदुम्बरे पालाशे कार्ष्मर्यमये वा दीर्घसोमे संतृद्ये तूष्णीं प्रोक्ष्य रक्षोहणौ वलगहनाव् उपदधामि वैष्णवी इति ताभ्याम् उपरवान् अपिदधाति
adhiṣavaṇaphalake asaṃtṛṇṇe audumbare pālāśe kārṣmaryamaye vā dīrghasome saṃtṛdye tūṣṇīṃ prokṣya rakṣohaṇau valagahanāv upadadhāmi vaiṣṇavī iti tābhyām uparavān apidadhāti
- 2
द्वौ दक्षिणेन द्वाव् अन्तरेण
dvau dakṣiṇena dvāv antareṇa
- 3
अभितो मयूखान्निहन्ति
abhito mayūkhānnihanti
- 4
रक्षोहणौ वलगहनौ पर्यूहामि वैष्णवी इति प्रदक्षिणं पुरीषेण पर्यूहति
rakṣohaṇau valagahanau paryūhāmi vaiṣṇavī iti pradakṣiṇaṃ purīṣeṇa paryūhati
- 5
रक्षोहणौ वलगहनौ परिस्तृणामि वैष्णवी इति बर्हिषा परिस्तृणाति
rakṣohaṇau valagahanau paristṛṇāmi vaiṣṇavī iti barhiṣā paristṛṇāti
- 6
रक्षोहणौ वलगहनौ वैष्णवी इत्य् अनेनाभिमृशत्य् अभिमन्त्रयते वा
rakṣohaṇau valagahanau vaiṣṇavī ity anenābhimṛśaty abhimantrayate vā
- 7
लोहितम् आनडुहम् अधिषवणचर्मोपरिष्टाद्यथासेचनवद् अभिषवायालं तूष्णीं प्रोक्ष्य फलकयोर्यज्ञ प्रतितिष्ठेति प्राचीनग्रीवम् उत्तरलोमोपस्तृणाति
lohitam ānaḍuham adhiṣavaṇacarmopariṣṭādyathāsecanavad abhiṣavāyālaṃ tūṣṇīṃ prokṣya phalakayoryajña pratitiṣṭheti prācīnagrīvam uttaralomopastṛṇāti
- 8
पञ्च ग्राव्णस्तस्मिन्प्रतिदिशं मध्ये च बृहन्न् असीति प्रत्येकं संमुखान्सादयति
pañca grāvṇastasminpratidiśaṃ madhye ca bṛhann asīti pratyekaṃ saṃmukhānsādayati
- 9
प्रथिष्ठं मध्यमम्
prathiṣṭhaṃ madhyamam
- 10
रक्षघ्नो वो वलघ्नः प्रोक्षामि वैष्णवान् इति तान्प्रोक्षति
rakṣaghno vo valaghnaḥ prokṣāmi vaiṣṇavān iti tānprokṣati

