7 shlokas
- 1
निरुप्तम् आज्यं ध्रुवायाम् एव गृहीत्वा मदन्तीर् अभिमन्त्र्य ब्रह्माणम् इध्मं वेदिं च प्रोक्ष्य मदन्त्यवशेषं निनीय प्रस्तरे पवित्रे अपिसृज्य सूर्यस्त्वेत्य् अग्निम् अभिमन्त्र्य पूर्वाघारसमिधम् आधाय विधृत्योर् आश्ववालं प्रस्तरं निधाय तस्मिन्बर्हिषि वा ध्रुवां स्रुवं च सादयति
niruptam ājyaṃ dhruvāyām eva gṛhītvā madantīr abhimantrya brahmāṇam idhmaṃ vediṃ ca prokṣya madantyavaśeṣaṃ ninīya prastare pavitre apisṛjya sūryastvety agnim abhimantrya pūrvāghārasamidham ādhāya vidhṛtyor āśvavālaṃ prastaraṃ nidhāya tasminbarhiṣi vā dhruvāṃ sruvaṃ ca sādayati
- 2
एताव् असदताम् इति मन्त्रं संनम्य विष्णव् असि वैष्णवं धामासि प्राजापत्यम् इत्य् आज्यम् अभिमन्त्र्य सामिधेनीषु नवधेध्मं प्रतिविभज्य सर्वम् आदधाति
etāv asadatām iti mantraṃ saṃnamya viṣṇav asi vaiṣṇavaṃ dhāmāsi prājāpatyam ity ājyam abhimantrya sāmidhenīṣu navadhedhmaṃ prativibhajya sarvam ādadhāti
- 3
व्यूढासु देवतास्व् अग्निम् उपवाज्य नान्याम् आहुतिं पुरस्ताज्जुहुयात्
vyūḍhāsu devatāsv agnim upavājya nānyām āhutiṃ purastājjuhuyāt
- 4
स्रुवेणाघारम् आघारयति
sruveṇāghāram āghārayati
- 5
संमृष्टेषु महापितृयज्ञवत्प्रवरं प्रवृणीते
saṃmṛṣṭeṣu mahāpitṛyajñavatpravaraṃ pravṛṇīte
- 6
ध्रुवाया अष्टगृहीतं जुह्वां कृत्वा चतुर्गृहीतम् उपभृति कुर्यात्
dhruvāyā aṣṭagṛhītaṃ juhvāṃ kṛtvā caturgṛhītam upabhṛti kuryāt
- 7
आज्यस्थाल्या इत्येके
ājyasthālyā ityeke

