6 shlokas
- 1
अथोपसत्कल्पः
athopasatkalpaḥ
- 2
उपांशुयाजवत्
upāṃśuyājavat
- 3
यद् आतिथ्याया बर्हिः परिधयः प्रस्तरश्चोपसदाम् अग्नीषोमीयस्य च भवन्ति
yad ātithyāyā barhiḥ paridhayaḥ prastaraścopasadām agnīṣomīyasya ca bhavanti
- 4
उपसत्सु तद्बर्हिः स्तीर्णं प्रस्तरश्च परिहिताः परिधयः
upasatsu tadbarhiḥ stīrṇaṃ prastaraśca parihitāḥ paridhayaḥ
- 5
षोडशदारुम् इमं संनह्य स्फ्यम् अग्निहोत्रहवणीं स्रुवं जुहूम् उपभृतं ध्रुवां वेदम् आज्यस्थालीम् इति द्वन्द्वं प्रयुज्य यजमानं वाचं यच्छेति संप्रेष्य प्रणीताः कृत्वा वाचंयमः पात्राणि संमृश्य मदन्तीः संस्कृत्य ब्रह्माणम् आमन्त्र्य पात्राणि प्रोक्ष्य वाचं विसृज्याज्यं निरुप्याधिश्रित्य स्फ्यम् आदाय वेदेः स्तीर्णाया उपरि स्तम्बयजुर्हरति
ṣoḍaśadārum imaṃ saṃnahya sphyam agnihotrahavaṇīṃ sruvaṃ juhūm upabhṛtaṃ dhruvāṃ vedam ājyasthālīm iti dvandvaṃ prayujya yajamānaṃ vācaṃ yaccheti saṃpreṣya praṇītāḥ kṛtvā vācaṃyamaḥ pātrāṇi saṃmṛśya madantīḥ saṃskṛtya brahmāṇam āmantrya pātrāṇi prokṣya vācaṃ visṛjyājyaṃ nirupyādhiśritya sphyam ādāya vedeḥ stīrṇāyā upari stambayajurharati
- 6
उत्तरं परिग्राहं परिगृह्य मदन्तीर् आसादयेध्मम् उपसादय स्रुवं च स्रुचश्च संमृड्ढ्य् आज्येनोदेहीति संप्रेष्यति
uttaraṃ parigrāhaṃ parigṛhya madantīr āsādayedhmam upasādaya sruvaṃ ca srucaśca saṃmṛḍḍhy ājyenodehīti saṃpreṣyati

