20 shlokas
- 1
एष एव सौमिक आहवनीयः
eṣa eva saumika āhavanīyaḥ
- 2
अग्निमत्याम् उत्तरवेद्याम् उत्तरं परिग्राहं परिगृह्याप्रोक्षितायां न विचरन्त्य् आ स्तरणात्
agnimatyām uttaravedyām uttaraṃ parigrāhaṃ parigṛhyāprokṣitāyāṃ na vicaranty ā staraṇāt
- 3
प्रतिप्रस्थाता पयस्यायै मैत्रावरुण्यै सायंदोहाय वत्सान् अपाकरोति घर्मदुघश्च वत्सं दधिघर्माय
pratiprasthātā payasyāyai maitrāvaruṇyai sāyaṃdohāya vatsān apākaroti gharmadughaśca vatsaṃ dadhigharmāya
- 4
सौत्यं काष्ठं वेद्यर्थं बर्हिश्च संभ्रियते
sautyaṃ kāṣṭhaṃ vedyarthaṃ barhiśca saṃbhriyate
- 5
काष्ठं वेदिं बर्हिश्च त्रिस्त्रिः प्रोक्ष्या घा ये अग्निम् इन्धत इति बहुलं वेदिं प्राचीनं बर्हिः स्तृणाति
kāṣṭhaṃ vediṃ barhiśca tristriḥ prokṣyā ghā ye agnim indhata iti bahulaṃ vediṃ prācīnaṃ barhiḥ stṛṇāti
- 6
पूर्वं प्रयुक्ते प्रक्षालिते अनसी युग्मकृते शालाम् अग्रेणाभितः पृष्ठ्यां परिश्रिते सच्छदिषी प्राची स्थापयतो दक्षिणम् अध्वर्युर् उत्तरं प्रतिप्रस्थाता
pūrvaṃ prayukte prakṣālite anasī yugmakṛte śālām agreṇābhitaḥ pṛṣṭhyāṃ pariśrite sacchadiṣī prācī sthāpayato dakṣiṇam adhvaryur uttaraṃ pratiprasthātā
- 7
एवं कुरुतः कर्माण्य् उत्तरत्र
evaṃ kurutaḥ karmāṇy uttaratra
- 8
तयोर्दक्षिणं वर्षीय उद्धृतफलकं तथोत्तरम्
tayordakṣiṇaṃ varṣīya uddhṛtaphalakaṃ tathottaram
- 9
तयोर् अक्षबन्धान्प्रसक्तान्विस्रस्य पुनस्तान्सुरक्षितान्बध्नाति
tayor akṣabandhānprasaktānvisrasya punastānsurakṣitānbadhnāti
- 10
वैष्णवी विष्णवे शुन्धेथाम् इति हविर्धाने प्रोक्षति
vaiṣṇavī viṣṇave śundhethām iti havirdhāne prokṣati
- 11
शालामुखीय आज्यं विलाप्योत्पूय स्रुचि चतुर्गृहीतं गृहीत्वा युञ्जते मन इति सावित्रेणौत्तरवेदिके जुहोति
śālāmukhīya ājyaṃ vilāpyotpūya sruci caturgṛhītaṃ gṛhītvā yuñjate mana iti sāvitreṇauttaravedike juhoti
- 12
देवश्रुताव् इति पत्नी पदतृतीयस्यैकदेशम् आदाय साज्येन तेन दक्षिणस्य हविर्धानस्य दक्षिणाम् अक्षधुरं दक्षिणेन हस्तेनोत्तानेन त्रिः प्रदक्षिणम् उपानक्ति
devaśrutāv iti patnī padatṛtīyasyaikadeśam ādāya sājyena tena dakṣiṇasya havirdhānasya dakṣiṇām akṣadhuraṃ dakṣiṇena hastenottānena triḥ pradakṣiṇam upānakti
- 13
एवम् उत्तरस्य
evam uttarasya
- 14
पदनाश आज्येनोपानक्ति
padanāśa ājyenopānakti
- 15
अध्वर्युर्हविर्धानाभ्यां प्रवर्त्यमानाभ्याम् अनुब्रूहीति संप्रेष्यति
adhvaryurhavirdhānābhyāṃ pravartyamānābhyām anubrūhīti saṃpreṣyati
- 16
युजे वां ब्रह्म पूर्व्यम् इत्य् एतां त्रिर् उक्ताम् अभिज्ञाय प्राची प्रेतम् इति हविर्धाने प्राची प्रवर्तयेयुः
yuje vāṃ brahma pūrvyam ity etāṃ trir uktām abhijñāya prācī pretam iti havirdhāne prācī pravartayeyuḥ
- 17
यद्य् अक्षघोषः सुवाग् इति जपति
yady akṣaghoṣaḥ suvāg iti japati
- 18
यदा हविर्धाने वेदिम् अवक्रामतस्तदा दक्षिणस्य हविर्धानस्योत्तरस्यां वर्तन्याम् अन्तर्वेदि हिरण्यं निधाय परिस्तीर्येदं विष्णुर्विचक्रम इति जुहोति
yadā havirdhāne vedim avakrāmatastadā dakṣiṇasya havirdhānasyottarasyāṃ vartanyām antarvedi hiraṇyaṃ nidhāya paristīryedaṃ viṣṇurvicakrama iti juhoti
- 19
एवम् उत्तरस्य प्रतिप्रस्थातेरावती धेनुमती इति
evam uttarasya pratiprasthāterāvatī dhenumatī iti
- 20
अप जन्यं भयं नुदेति वेदेः पश्चार्धे वितृतीयदेशे मनसाप जन्यं भयं नुदेति ब्रह्मा होताध्वर्युर्वा पादेन पांसून्लोष्टं वा बहिर्वेदि निरस्यति
apa janyaṃ bhayaṃ nudeti vedeḥ paścārdhe vitṛtīyadeśe manasāpa janyaṃ bhayaṃ nudeti brahmā hotādhvaryurvā pādena pāṃsūnloṣṭaṃ vā bahirvedi nirasyati

