16 shlokas
- 1
घृतवतीम् इति होतुर् अभिज्ञाय जुहूपभृताव् आदाय दक्षिणा सकृद् अतिक्रान्त उपांशुयाजवत्तिस्रो देवता यजति
ghṛtavatīm iti hotur abhijñāya juhūpabhṛtāv ādāya dakṣiṇā sakṛd atikrānta upāṃśuyājavattisro devatā yajati
- 2
उत्तरतः प्रथमायाः पुरोनुवाक्यां संप्रेष्यति दक्षिणत इतरयोः
uttarataḥ prathamāyāḥ puronuvākyāṃ saṃpreṣyati dakṣiṇata itarayoḥ
- 3
यज्जुह्वाम् आज्यं तस्यार्धेनाग्निं पूर्वार्धे यजत्य् अर्धेन मध्ये सोमं यद् उपभृति तज्जुह्वामानीय तेन पश्चार्धे विष्णुं यजति
yajjuhvām ājyaṃ tasyārdhenāgniṃ pūrvārdhe yajaty ardhena madhye somaṃ yad upabhṛti tajjuhvāmānīya tena paścārdhe viṣṇuṃ yajati
- 4
उदङ्ङ् आवृत्य यथायतनं स्रुचौ सादयित्वा प्रस्तरम् अक्त्वा सव्ये पाणौ कृत्वाज्यस्थाल्याः स्रुवेणोपहत्य या ते अग्ने ऽयाशया तनूर् इति प्रथमम् औपसदम् आहवनीये जुहुयाद्या ते अग्ने रजाशयेति द्वितीयं या ते अग्ने हराशयेति तृतीयम्
udaṅṅ āvṛtya yathāyatanaṃ srucau sādayitvā prastaram aktvā savye pāṇau kṛtvājyasthālyāḥ sruveṇopahatya yā te agne 'yāśayā tanūr iti prathamam aupasadam āhavanīye juhuyādyā te agne rajāśayeti dvitīyaṃ yā te agne harāśayeti tṛtīyam
- 5
ये युध्येयुर् अयज्ञसंयुक्तान् एतान्होमान्जुहुयाद् अयो ऽवधाय प्रथमं रजतम् अवधाय द्वितीयं हरितम् अवधाय तृतीयम्
ye yudhyeyur ayajñasaṃyuktān etānhomānjuhuyād ayo 'vadhāya prathamaṃ rajatam avadhāya dvitīyaṃ haritam avadhāya tṛtīyam
- 6
अग्नीन्मदत्य् आपा३ इत्य् एतदादि निह्नवान्तं व्याख्यातम्
agnīnmadaty āpā3 ity etadādi nihnavāntaṃ vyākhyātam
- 7
दक्षिणोत्तानैः पूर्वाह्णे सव्योत्तानैर् अपराह्णे निह्नुवते
dakṣiṇottānaiḥ pūrvāhṇe savyottānair aparāhṇe nihnuvate
- 8
अग्नीद्देवपत्नीर्व्याचक्ष्व सुब्रह्मण्य सुब्रह्मण्याम् आह्वयेति संप्रेष्यति
agnīddevapatnīrvyācakṣva subrahmaṇya subrahmaṇyām āhvayeti saṃpreṣyati
- 9
अपरेण गार्हपत्यम् आग्नीध्र उपविश्य सेनेन्द्रस्येति देवपत्नीर्व्याचष्टे
apareṇa gārhapatyam āgnīdhra upaviśya senendrasyeti devapatnīrvyācaṣṭe
- 10
सुब्रह्मण्यः सुब्रह्मण्याम् आह्वयति
subrahmaṇyaḥ subrahmaṇyām āhvayati
- 11
सासि सुब्रह्मण्य इति तां यजमानो ऽनुमन्त्रयते यथा पुरस्तात्
sāsi subrahmaṇya iti tāṃ yajamāno 'numantrayate yathā purastāt
- 12
अनूपसदम् एतानि क्रियन्ते
anūpasadam etāni kriyante
- 13
एवं सायं प्रातस्त्रिरात्रं प्रवर्ग्योपसदौ कार्ये
evaṃ sāyaṃ prātastrirātraṃ pravargyopasadau kārye
- 14
याः प्रातर्याज्याः स्युस्ताः सायं पुरोनुवाक्याः कुर्याद्याः प्रातरनुवाक्यास्ता याज्याः
yāḥ prātaryājyāḥ syustāḥ sāyaṃ puronuvākyāḥ kuryādyāḥ prātaranuvākyāstā yājyāḥ
- 15
तिस्र एव साह्नस्योपसदो द्वादशाहीनस्येत्य् उक्तम्
tisra eva sāhnasyopasado dvādaśāhīnasyety uktam
- 16
मध्यमे ऽहनि पौर्वाह्णिकाभ्यां प्रचर्याग्रेण प्राग्वंशं त्रिषु प्रक्रमेषु शङ्कुं निहत्य दर्शवत्संनमनवर्जं स्फ्येन परशुना वा वेदिं विमिमीते
madhyame 'hani paurvāhṇikābhyāṃ pracaryāgreṇa prāgvaṃśaṃ triṣu prakrameṣu śaṅkuṃ nihatya darśavatsaṃnamanavarjaṃ sphyena paraśunā vā vediṃ vimimīte

