7 shlokas
- 1
अपरेणोत्करं षट्प्रक्रमान् अपरेणार्धं बहिर्वेद्य् अर्धम् अन्तर्वेदि चतुस्थूणं सर्वतः षट्प्रक्रमं दक्षिणद्वारं प्राचीनवंशं परिश्रितम् आग्नीध्रं मिनोति
apareṇotkaraṃ ṣaṭprakramān apareṇārdhaṃ bahirvedy ardham antarvedi catusthūṇaṃ sarvataḥ ṣaṭprakramaṃ dakṣiṇadvāraṃ prācīnavaṃśaṃ pariśritam āgnīdhraṃ minoti
- 2
वैश्वदेवम् असि विश्वेभ्यो देवेभ्यस्त्वेति संमितम् अभिमृशति
vaiśvadevam asi viśvebhyo devebhyastveti saṃmitam abhimṛśati
- 3
पूर्वेणापरवेद्यन्तं त्रीन्प्रक्रमान्पूर्वेणापरिमितान्वा प्राक्प्रत्यङ्नवारत्न्यष्टादशोदगायतम् उदग्वंशं दक्षिणेन पृष्ठ्यां प्रतिकृष्टतरं यथर्त्विग्भ्यः प्रसर्पकेभ्यो धिष्णियेभ्यश्चालं भवति तथा सदो मिनुयात्
pūrveṇāparavedyantaṃ trīnprakramānpūrveṇāparimitānvā prākpratyaṅnavāratnyaṣṭādaśodagāyatam udagvaṃśaṃ dakṣiṇena pṛṣṭhyāṃ pratikṛṣṭataraṃ yathartvigbhyaḥ prasarpakebhyo dhiṣṇiyebhyaścālaṃ bhavati tathā sado minuyāt
- 4
तन्मध्ये दक्षिणेन पृष्ठ्यां प्रक्रम उपरात्परं यजमानसंमितां सुनाहां यथा यूपस्य प्रक्षालिताम् औदुम्बरीं प्राचीनाग्राम् अवटे संधाय दिवे त्वेति प्रतिमन्त्रं परस्ताद् अर्वाचीं प्रोक्षति
tanmadhye dakṣiṇena pṛṣṭhyāṃ prakrama uparātparaṃ yajamānasaṃmitāṃ sunāhāṃ yathā yūpasya prakṣālitām audumbarīṃ prācīnāgrām avaṭe saṃdhāya dive tveti pratimantraṃ parastād arvācīṃ prokṣati
- 5
शुन्धन्तां लोको यवो ऽसि पितॄणां सदनम् असीत्य् अवटे ऽपाम् आनयनादीन्य् उक्तानि
śundhantāṃ loko yavo 'si pitṝṇāṃ sadanam asīty avaṭe 'pām ānayanādīny uktāni
- 6
उद्दिवं स्तभानेति प्राचीनकर्णाम् औदुम्बरीं स्थूणाम् उद्गात्रा सहोच्छ्रयति द्युतानस्त्वा मारुतो मिनोत्व् इति
uddivaṃ stabhāneti prācīnakarṇām audumbarīṃ sthūṇām udgātrā sahocchrayati dyutānastvā māruto minotv iti
- 7
यथा प्राग्वंशस्य सदोहविर्धानयोश्च समानः संकाशस्तथावटे मिनोति
yathā prāgvaṃśasya sadohavirdhānayośca samānaḥ saṃkāśastathāvaṭe minoti

