13 shlokas
- 1
उरुप्रथा उरु प्रथस्वेति पुरोडाशं प्रथयतीत्य् अर्थवादार्थेन पुनःश्रुतिर्यज्ञपतिम् एव तत्प्रथयतीति
uruprathā uru prathasveti puroḍāśaṃ prathayatīty arthavādārthena punaḥśrutiryajñapatim eva tatprathayatīti
- 2
ननु नायं मन्त्रस्य वाक्यशेषो न च प्राप्तस्य स्तुत्या प्रयोजनम्
nanu nāyaṃ mantrasya vākyaśeṣo na ca prāptasya stutyā prayojanam
- 3
सत्यं नायं मन्त्रस्य विधिर्न संस्तवः
satyaṃ nāyaṃ mantrasya vidhirna saṃstavaḥ
- 4
प्रथनम् एव तत्र स्तूयते
prathanam eva tatra stūyate
- 5
मन्त्रः पुना रूपाद् एव प्राप्त इहानूद्यते प्रथनं स्तोतुम् इत्थं प्रथनं प्रशस्तं यत्क्रियमाणम् एवंरूपेण मन्त्रेण क्रियते
mantraḥ punā rūpād eva prāpta ihānūdyate prathanaṃ stotum itthaṃ prathanaṃ praśastaṃ yatkriyamāṇam evaṃrūpeṇa mantreṇa kriyate
- 6
कस्तदा भवति गुणः
kastadā bhavati guṇaḥ
- 7
यज्ञपतिम् एव तत्प्रजया पशुभिः प्रथयति
yajñapatim eva tatprajayā paśubhiḥ prathayati
- 8
किम् एतद् एवास्य फलं भवति
kim etad evāsya phalaṃ bhavati
- 9
नेति ब्रूमः
neti brūmaḥ
- 10
स्तुतिः कथं भविष्यतीत्य् एवम् उच्यते
stutiḥ kathaṃ bhaviṣyatīty evam ucyate
- 11
कथम् असति प्रथने प्रथयतीति शब्दः
katham asati prathane prathayatīti śabdaḥ
- 12
मन्त्राभिधानान्मन्त्रेण पुरोडाशम् अध्वर्युः प्रथस्वेति ब्रूते
mantrābhidhānānmantreṇa puroḍāśam adhvaryuḥ prathasveti brūte
- 13
यश्चैवं प्रथस्वेति ब्रूते स प्रथयति यथा यः कुर्व् इति ब्रूते स कारयति
yaścaivaṃ prathasveti brūte sa prathayati yathā yaḥ kurv iti brūte sa kārayati

