17 shlokas
- 1
अथ ये हेतुवन्निगदाः सूर्पेण जुहोति तेन ह्य् अन्नं क्रियत इत्येवमादयः
atha ye hetuvannigadāḥ sūrpeṇa juhoti tena hy annaṃ kriyata ityevamādayaḥ
- 2
तेषु संदेहः किं स्तुतिस्तेषां कार्यम् उत हेतुर् इति
teṣu saṃdehaḥ kiṃ stutisteṣāṃ kāryam uta hetur iti
- 3
किं प्राप्तम्
kiṃ prāptam
- 4
हेतुः स्याद् अन्नकरणं होमस्य
hetuḥ syād annakaraṇaṃ homasya
- 5
नन्व् अप्रसिद्धे कार्यकारणभावे न हेतूपदेशः
nanv aprasiddhe kāryakāraṇabhāve na hetūpadeśaḥ
- 6
सत्यम् एवं लोके विधायिष्यते तु वचनेन वेदे
satyam evaṃ loke vidhāyiṣyate tu vacanena vede
- 7
सूर्पेण होमे कर्तव्ये ऽन्नकरणं हेतुर् इत्य् उपदिश्यते
sūrpeṇa home kartavye 'nnakaraṇaṃ hetur ity upadiśyate
- 8
किं प्रयोजनम्
kiṃ prayojanam
- 9
अन्यद् अपि दर्विपीठराद्य् अन्नकरणं यत्तेनापि नाम कथं होमः क्रियेतेति
anyad api darvipīṭharādy annakaraṇaṃ yattenāpi nāma kathaṃ homaḥ kriyeteti
- 10
कुतः
kutaḥ
- 11
तस्याप्य् अन्नक्रियायाम् अर्थवत्ता शक्यते च तेनाप्य् अन्नं कर्तुम्
tasyāpy annakriyāyām arthavattā śakyate ca tenāpy annaṃ kartum
- 12
एतद्धि क्रियत इत्य् उच्यते
etaddhi kriyata ity ucyate
- 13
न हि वर्तमानकालः कश्चिद् अस्ति यस्यायं प्रतिनिर्देशः
na hi vartamānakālaḥ kaścid asti yasyāyaṃ pratinirdeśaḥ
- 14
हेतौ च श्रुतिः शब्दः स्तुतौ लक्षणा
hetau ca śrutiḥ śabdaḥ stutau lakṣaṇā
- 15
यदि च दर्विपीठरादि न साक्षाद् अन्नं करोतीति नान्नकरणम् इत्य् उच्यते
yadi ca darvipīṭharādi na sākṣād annaṃ karotīti nānnakaraṇam ity ucyate
- 16
व्यर्थे तस्मिन्सूर्पस्तुतिर् अनर्थिका स्यात्
vyarthe tasminsūrpastutir anarthikā syāt
- 17
सूर्पम् अपि हि न साक्षाद् अन्नं करोतीति तेन विनार्थेन सूर्पस्य स्तुतिर्नोपपद्यते
sūrpam api hi na sākṣād annaṃ karotīti tena vinārthena sūrpasya stutirnopapadyate

