17 shlokas
- 1
स्तेनं मनः
stenaṃ manaḥ
- 2
अनृतवादिनी वाग् इत्येवंजातीयकानां धर्मं प्रत्य् अप्रामाण्यं भूतानुवादात्
anṛtavādinī vāg ityevaṃjātīyakānāṃ dharmaṃ praty aprāmāṇyaṃ bhūtānuvādāt
- 3
विपरिणामादिभिर् अपि कल्प्यमाने स्तेयं मृषोद्यं च कर्तव्यम् इत्य् आपतति
vipariṇāmādibhir api kalpyamāne steyaṃ mṛṣodyaṃ ca kartavyam ity āpatati
- 4
तच्चाशक्यं स्तेयानृतवादप्रतिषेधम् अबाधमानेनानुष्ठातुम्
taccāśakyaṃ steyānṛtavādapratiṣedham abādhamānenānuṣṭhātum
- 5
न च विकल्पो वैषम्यात्
na ca vikalpo vaiṣamyāt
- 6
एकः कल्प्यो विधिर् एकः प्रत्यक्षः
ekaḥ kalpyo vidhir ekaḥ pratyakṣaḥ
- 7
अथ दृष्टविरोधः
atha dṛṣṭavirodhaḥ
- 8
तस्माद्धूम एवाग्नेर्दिवा ददृशे नार्चिः
tasmāddhūma evāgnerdivā dadṛśe nārciḥ
- 9
तस्माद् अर्चिर् एवाग्नेर्नक्तं ददृशे न धूम इति
tasmād arcir evāgnernaktaṃ dadṛśe na dhūma iti
- 10
अस्माल्लोकाद् उत्क्रम्याग्निर् आदित्यं गतो रात्राव् आदित्यस्तम् इत्य् एतद् उपपादयितुम् इदम् उभयम् अपि दृष्टविरुद्धम् उच्यते
asmāllokād utkramyāgnir ādityaṃ gato rātrāv ādityastam ity etad upapādayitum idam ubhayam api dṛṣṭaviruddham ucyate
- 11
तस्मान्नैषावधारणा सिध्यतीति
tasmānnaiṣāvadhāraṇā sidhyatīti
- 12
अपरो दृष्टविरोधो न चैतद्विद्मो वयं ब्राह्मणा वा स्मो ऽब्राह्मणा वेत्य् अक्रियार्थत्वाद् अनर्थकम्
aparo dṛṣṭavirodho na caitadvidmo vayaṃ brāhmaṇā vā smo 'brāhmaṇā vety akriyārthatvād anarthakam
- 13
अथायम् अर्थो नैवैतज्ज्ञायते किं वा ब्राह्मणा वयम् उताब्राह्मणा एवेति प्रत्यक्षविरुद्धम् अप्रमाणम्
athāyam artho naivaitajjñāyate kiṃ vā brāhmaṇā vayam utābrāhmaṇā eveti pratyakṣaviruddham apramāṇam
- 14
अपरः शास्त्रदृष्टेन विरोधः को हि तद्वेद यद् अमुष्मिंल्लोके ऽस्ति वा न वेति
aparaḥ śāstradṛṣṭena virodhaḥ ko hi tadveda yad amuṣmiṃlloke 'sti vā na veti
- 15
यदि प्रश्नो ऽयम् अक्रियार्थत्वाद् अनर्थकः
yadi praśno 'yam akriyārthatvād anarthakaḥ
- 16
अथानवकॢप्तिः शास्त्रदृष्टेन विरोधः
athānavakḷptiḥ śāstradṛṣṭena virodhaḥ
- 17
अतः प्रत्यक्षविरुद्धम् अप्रमाणम्
ataḥ pratyakṣaviruddham apramāṇam

