16 shlokas
- 1
ब्रह्मवादिनो वदन्ति प्रायणतो द्विपदाः कार्या उदयनता३ इति
brahmavādino vadanti prāyaṇato dvipadāḥ kāryā udayanatā3 iti
- 2
उदयनत एव कार्याः पुरुषो वै द्विपदाः प्रतिष्ठायै
udayanata eva kāryāḥ puruṣo vai dvipadāḥ pratiṣṭhāyai
- 3
वाचा वै सर्वं यज्ञं तन्वते तस्मात्सर्वां वाचं पुरुषो वदति सर्वा ह्य् अस्मिन्संस्तुता प्रतितिष्ठति
vācā vai sarvaṃ yajñaṃ tanvate tasmātsarvāṃ vācaṃ puruṣo vadati sarvā hy asminsaṃstutā pratitiṣṭhati
- 4
गूर्दो भवति
gūrdo bhavati
- 5
गौपायनानां वै सत्त्रम् आसीनानां किरातकुल्याव् असुरमाये अन्तःपरिध्य् असून्प्राकिरतां ते अग्ने त्वं नो अन्तम इत्य् अग्निम् उपासीदंस्तेनासून् अस्पृण्वंस्तद्वाव ते तर्ह्य् अकामयन्त कामसनि साम गूर्दः कामम् एवैतेनावरुन्द्धे
gaupāyanānāṃ vai sattram āsīnānāṃ kirātakulyāv asuramāye antaḥparidhy asūnprākiratāṃ te agne tvaṃ no antama ity agnim upāsīdaṃstenāsūn aspṛṇvaṃstadvāva te tarhy akāmayanta kāmasani sāma gūrdaḥ kāmam evaitenāvarunddhe
- 6
गोतमस्य भद्रं भवति
gotamasya bhadraṃ bhavati
- 7
आशिषम् एवास्मा एतेनाशास्ते साम हि सत्याशीः
āśiṣam evāsmā etenāśāste sāma hi satyāśīḥ
- 8
एतेन वै गोतमो जेमानं महिमानम् अगच्छत्तस्माद्ये च पराञ्चो गोतमाद्ये चार्वाञ्चस्त उभये गोतमा ऋषयो ब्रुवते
etena vai gotamo jemānaṃ mahimānam agacchattasmādye ca parāñco gotamādye cārvāñcasta ubhaye gotamā ṛṣayo bruvate
- 9
उद्वंशपुत्रो भवति
udvaṃśaputro bhavati
- 10
यद्वा उद्वंशीयं तद् उद्वंशपुत्रः
yadvā udvaṃśīyaṃ tad udvaṃśaputraḥ
- 11
अर्धेडाम् अतिस्वरति
ardheḍām atisvarati
- 12
तस्माद् ऊधर्धारा अतिक्षरन्तीडायाम् अन्ततः पशुषु प्रतितिष्ठति
tasmād ūdhardhārā atikṣarantīḍāyām antataḥ paśuṣu pratitiṣṭhati
- 13
कॢप्त उपरिष्टाद् ऋक्साम च विमुच्येते अभ्य् उ स्वरेण सप्तमम् अहः स्वरति सन्तत्यै
kḷpta upariṣṭād ṛksāma ca vimucyete abhy u svareṇa saptamam ahaḥ svarati santatyai
- 14
ऊहुषीव वा एतर्हि वाग्यदा षडहः संतिष्ठते न बहु वदेन्नान्यं पृच्छेन्नान्यस्मै प्रब्रूयात्
ūhuṣīva vā etarhi vāgyadā ṣaḍahaḥ saṃtiṣṭhate na bahu vadennānyaṃ pṛcchennānyasmai prabrūyāt
- 15
मधु वाशयेद्घृतं वा यथोहुषो वहं प्रत्यनक्ति तथा तत्
madhu vāśayedghṛtaṃ vā yathohuṣo vahaṃ pratyanakti tathā tat
- 16
त्रयस्त्रिंश एव स्तोमो भवति प्रतिष्ठायै देवतासु वा एष प्रतिष्ठितः
trayastriṃśa eva stomo bhavati pratiṣṭhāyai devatāsu vā eṣa pratiṣṭhitaḥ

