13 shlokas
- 1
गोवित्पवस्व वसुविद्धिरण्यविद् इति पञ्चमस्याह्नः प्रतिपद्भवति
govitpavasva vasuviddhiraṇyavid iti pañcamasyāhnaḥ pratipadbhavati
- 2
गोविद्वा एतद्वसुविद्धिरण्यविद्यच्छक्वर्यः
govidvā etadvasuviddhiraṇyavidyacchakvaryaḥ
- 3
पशवश्शक्वर्यः सर्वं पशुभिर्विन्दते
paśavaśśakvaryaḥ sarvaṃ paśubhirvindate
- 4
त्वं सुवीरो असि सोम विश्वविद् इत्येष वाव सुवीरो यस्य पशवस्तद् एव तद् अभिवदति
tvaṃ suvīro asi soma viśvavid ityeṣa vāva suvīro yasya paśavastad eva tad abhivadati
- 5
तास्ते क्षरन्तु मधुमद्घृतं पय इति मधुमद्वै घृतं पयः पशवः क्षरन्ति तद् एव तद् अभिवदति
tāste kṣarantu madhumadghṛtaṃ paya iti madhumadvai ghṛtaṃ payaḥ paśavaḥ kṣaranti tad eva tad abhivadati
- 6
पवमानस्य विश्वविद् इत्य् अनुरूपो भवति
pavamānasya viśvavid ity anurūpo bhavati
- 7
विश्वम् एव तद्वित्तम् अभिवदति विश्वं हि पशुभिर्विन्दते
viśvam eva tadvittam abhivadati viśvaṃ hi paśubhirvindate
- 8
प्र ते सर्गा असृक्षतेति सृष्टानीव ह्येतर्ह्यहानि
pra te sargā asṛkṣateti sṛṣṭānīva hyetarhyahāni
- 9
पूर्वम् उ चैव तद्रूपम् अपरेण रूपेणानुवदति यत्पूर्वं रूपेणानुवदति तद् अनुरूपस्यानुरूपत्वम् अनुरूप एनं पुत्रो जायते य एवं वेद स्तोत्रीयानुरूपौ तृचौ भवतः प्राणापानानाम् अवरुद्ध्यै
pūrvam u caiva tadrūpam apareṇa rūpeṇānuvadati yatpūrvaṃ rūpeṇānuvadati tad anurūpasyānurūpatvam anurūpa enaṃ putro jāyate ya evaṃ veda stotrīyānurūpau tṛcau bhavataḥ prāṇāpānānām avaruddhyai
- 10
सप्तर्चौ भवतः छन्दसां धृत्यै
saptarcau bhavataḥ chandasāṃ dhṛtyai
- 11
चतुरृचो भवति प्रतिष्ठायै
caturṛco bhavati pratiṣṭhāyai
- 12
तृच उत्तमो भवति येनैव प्राणेन प्रयन्ति तम् अभ्युद्यन्ति
tṛca uttamo bhavati yenaiva prāṇena prayanti tam abhyudyanti
- 13
त्रिणव एव स्तोमो भवति प्रतिष्ठायै पुष्ट्यै त्रिवृद्वा एष पुष्टः
triṇava eva stomo bhavati pratiṣṭhāyai puṣṭyai trivṛdvā eṣa puṣṭaḥ

