33 shlokas
- 1
कलहरूपं सुरतम् आचक्षते
विवादात्मकत्वाद्वामशीलत्वाच्च कामस्य
kalaharūpaṃ suratam ācakṣate
vivādātmakatvādvāmaśīlatvācca kāmasya
- 2
तस्मात्प्रहणनस्थानम् अङ्गम्
स्कन्धौ शिरः स्तनान्तरं पृष्ठं जघनं पार्श्व इति स्थानानि
tasmātprahaṇanasthānam aṅgam
skandhau śiraḥ stanāntaraṃ pṛṣṭhaṃ jaghanaṃ pārśva iti sthānāni
- 3
तच्चतुर्विधम् अपहस्तकं प्रसृतकं मुष्टिः समतलकम् इति
taccaturvidham apahastakaṃ prasṛtakaṃ muṣṭiḥ samatalakam iti
- 4
तदुद्भवं च शीत्कृतम्
तस्यातिरूपत्वात्
तद् अनेकविधम्
tadudbhavaṃ ca śītkṛtam
tasyātirūpatvāt
tad anekavidham
- 5
विरुतानि चाष्टौ
virutāni cāṣṭau
- 7
अम्वार्थाः शब्दा वारणार्था मोक्षणार्थाश्चालम् अर्थास्ते ते चार्थयोगात्
amvārthāḥ śabdā vāraṇārthā mokṣaṇārthāścālam arthāste te cārthayogāt
- 8
पारावतपरभृतहारीतशुकमधुकरदात्यूहहंसकारण्डवलावकविरुतानि शीत्कृतभूयिष्ठानि विकल्पशः प्रयुञ्जीत
pārāvataparabhṛtahārītaśukamadhukaradātyūhahaṃsakāraṇḍavalāvakavirutāni śītkṛtabhūyiṣṭhāni vikalpaśaḥ prayuñjīta
- 9
उत्सङ्गोपविष्टायाः पृष्ठे मुष्टिना प्रहारः
utsaṅgopaviṣṭāyāḥ pṛṣṭhe muṣṭinā prahāraḥ
- 10
तत्र सासूयाया इव स्तनितरुदितकूजितानि प्रतीघातश्च स्यात्
tatra sāsūyāyā iva stanitaruditakūjitāni pratīghātaśca syāt
- 11
युक्तयन्त्रायाः स्तनान्तरे अपहस्तकेन प्रहरेत्
yuktayantrāyāḥ stanāntare apahastakena praharet
- 12
मन्दोपक्रमं वर्धमानरागम् आ परिसमाप्तेः
mandopakramaṃ vardhamānarāgam ā parisamāpteḥ
- 13
तत्र हिंकारादीनाम् अनियमेनाभ्यासेन विकल्पेन च तत्कालम् एव प्रयोगः
tatra hiṃkārādīnām aniyamenābhyāsena vikalpena ca tatkālam eva prayogaḥ
- 14
शिरसि किंचिद् आकुञ्चिताङ्गुलिना करेण विवदन्त्याः फूत्कृत्य प्रहणनं तत्प्रसृतकम्
śirasi kiṃcid ākuñcitāṅgulinā kareṇa vivadantyāḥ phūtkṛtya prahaṇanaṃ tatprasṛtakam
- 15
तत्रान्तर्मुखेन कूजितं फूत्कृतं च
tatrāntarmukhena kūjitaṃ phūtkṛtaṃ ca
- 16
रतान्ते च श्वसितरुदिते
वेणोर् इव स्फुटतः शब्दानुकरणं दूत्कृतम्
ratānte ca śvasitarudite
veṇor iva sphuṭataḥ śabdānukaraṇaṃ dūtkṛtam
- 17
अप्सु बदरस्येव निपततः फूत्कृतम्
apsu badarasyeva nipatataḥ phūtkṛtam
- 18
सर्वत्र चुम्बनादिष्वपक्रान्तायाः सशीत्कृतं तेनैव प्रत्युत्तरम्
sarvatra cumbanādiṣvapakrāntāyāḥ saśītkṛtaṃ tenaiva pratyuttaram
- 19
रागवशात्प्रहणनाभ्यासे वारणमोक्षणालम् अर्थानां शब्दानाम् अम्बार्थानां च सतान्तश्वसितरुदितस्तनितमिश्रीकृतप्रयोगा विरुतानां च
रागावसानकाले जघनपार्श्वयोस्ताडनम् इत्यतित्वरया च आ परिसमाप्तेः
rāgavaśātprahaṇanābhyāse vāraṇamokṣaṇālam arthānāṃ śabdānām ambārthānāṃ ca satāntaśvasitaruditastanitamiśrīkṛtaprayogā virutānāṃ ca
rāgāvasānakāle jaghanapārśvayostāḍanam ityatitvarayā ca ā parisamāpteḥ
- 20
तत्र लावकहंसविकूजितं त्वरयैव
इति स्तननप्रहणनयोगाः
tatra lāvakahaṃsavikūjitaṃ tvarayaiva
iti stananaprahaṇanayogāḥ
- 21
पारुष्यं रभसत्वं च पौरुषं तेज उच्यते
अशक्तिर् आर्तिर्व्यावृत्तिर् अबलत्वं च योषितः
pāruṣyaṃ rabhasatvaṃ ca pauruṣaṃ teja ucyate
aśaktir ārtirvyāvṛttir abalatvaṃ ca yoṣitaḥ
- 22
रागात्प्रयोगसात्म्याच्च व्यत्ययो ऽपि क्वचिद्भवेत्
न चिरं तस्य चैवान्ते प्रकृतेर् एव योजनम्
rāgātprayogasātmyācca vyatyayo 'pi kvacidbhavet
na ciraṃ tasya caivānte prakṛter eva yojanam
- 23
कीलाम् उरसि कर्तरीं शिरसि विद्धां कपोलयोः संदंशिकां स्तनयोः पार्श्वयोश्चेति पूर्वैः सह प्रहणनम् अष्टविधम् इति दाक्षिणात्यानाम्
तद्युवतीनाम् उरसि कीलानि च तत्कृतानि दृश्यन्ते
देशसात्म्यम् एतत्
kīlām urasi kartarīṃ śirasi viddhāṃ kapolayoḥ saṃdaṃśikāṃ stanayoḥ pārśvayośceti pūrvaiḥ saha prahaṇanam aṣṭavidham iti dākṣiṇātyānām
tadyuvatīnām urasi kīlāni ca tatkṛtāni dṛśyante
deśasātmyam etat
- 24
कष्टम् अनार्यवृत्तम् अनादृतम् इति वात्स्यायनः
kaṣṭam anāryavṛttam anādṛtam iti vātsyāyanaḥ
- 25
तथान्यद् अपि देशसात्म्यात्प्रयुक्तम् अन्यत्र न प्रयुञ्जीत्
tathānyad api deśasātmyātprayuktam anyatra na prayuñjīt
- 26
आत्ययिकं तु तत्रापि परिहरेत्
ātyayikaṃ tu tatrāpi pariharet
- 27
रतियोगे हि कीलया गणिकां चित्रसेनां चोलराजो जघान
कर्तर्या कुन्तलः शातकर्णिः शातवाहनो महादेवीं मलयवतीम्
ratiyoge hi kīlayā gaṇikāṃ citrasenāṃ colarājo jaghāna
kartaryā kuntalaḥ śātakarṇiḥ śātavāhano mahādevīṃ malayavatīm
- 28
नरदेवः कुपाणिर्विद्धया दुष्प्रयुक्तया नटीं काणां चकार
naradevaḥ kupāṇirviddhayā duṣprayuktayā naṭīṃ kāṇāṃ cakāra
- 29
भवन्ति चात्र श्लोकाः
नास्त्यत्र गणना काचिन्न च शास्त्रपरिग्रहः
प्रवृत्ते रतिसंयोगे राग एवात्र कारणम्
bhavanti cātra ślokāḥ
nāstyatra gaṇanā kācinna ca śāstraparigrahaḥ
pravṛtte ratisaṃyoge rāga evātra kāraṇam
- 30
स्वप्नेष्वपि न दृश्यन्ते ते भावास्ते च विभ्रमाः
सुरतव्यवहारेषु ये स्युस्तत्क्षणकल्पिताः
svapneṣvapi na dṛśyante te bhāvāste ca vibhramāḥ
suratavyavahāreṣu ye syustatkṣaṇakalpitāḥ
- 31
यथा हि पञ्चमीं धाराम् आस्थाय तुरगः पथि
स्थाणुम्श्वभ्रं दरीं वापि वेगान्धो न समीक्षते
yathā hi pañcamīṃ dhārām āsthāya turagaḥ pathi
sthāṇumśvabhraṃ darīṃ vāpi vegāndho na samīkṣate

