43 shlokas
- 1
उत्तरौष्ठम् अन्तर्मुखं नयनम् इति मुक्त्वा चुम्बनवद्दशनरदनस्थानानि
uttarauṣṭham antarmukhaṃ nayanam iti muktvā cumbanavaddaśanaradanasthānāni
- 2
समाः स्निग्धच्छाया रागग्राहिणो युक्तप्रमाणा निश्छिद्रास्तीक्ष्णाग्रा इति दशनगुणाः
samāḥ snigdhacchāyā rāgagrāhiṇo yuktapramāṇā niśchidrāstīkṣṇāgrā iti daśanaguṇāḥ
- 3
कुण्ठा राज्युद्गताः परुषाः विषमाः श्लक्ष्णाः पृथवो विरला इति च दोषाः
kuṇṭhā rājyudgatāḥ paruṣāḥ viṣamāḥ ślakṣṇāḥ pṛthavo viralā iti ca doṣāḥ
- 4
गूढकम् उच्छूनकं बिन्दुर्बिन्दुमाला प्रवालमणिर्मणिमाला खण्डाभ्रकं वराहचर्वितकम् इति दशनच्छेदनविकल्पाः
gūḍhakam ucchūnakaṃ bindurbindumālā pravālamaṇirmaṇimālā khaṇḍābhrakaṃ varāhacarvitakam iti daśanacchedanavikalpāḥ
- 5
नातिलोहितेन रागमात्रेण विभावनीयं गूढकम्
nātilohitena rāgamātreṇa vibhāvanīyaṃ gūḍhakam
- 6
तद् एव पीडनाद् उच्छूनकम्
tad eva pīḍanād ucchūnakam
- 7
तद् उभयं बिन्दुर् अधरमध्य इति
tad ubhayaṃ bindur adharamadhya iti
- 8
उच्छूनकं प्रवालमणिश्च कपोले
ucchūnakaṃ pravālamaṇiśca kapole
- 9
कर्णपूरचुम्बनं नखदशनच्छेद्यम् इति सव्यकपोलमण्डनानि
karṇapūracumbanaṃ nakhadaśanacchedyam iti savyakapolamaṇḍanāni
- 10
दन्तौष्ठसंयोगाभ्यासनिष्पादनात्प्रवालमणिसिद्धिः
dantauṣṭhasaṃyogābhyāsaniṣpādanātpravālamaṇisiddhiḥ
- 11
सर्वस्येयं मणिमालायाश्च
sarvasyeyaṃ maṇimālāyāśca
- 12
अल्पदेशायाश्च त्वचो दशनद्वयसंदंशजा बिन्दुसिद्धिः
alpadeśāyāśca tvaco daśanadvayasaṃdaṃśajā bindusiddhiḥ
- 13
सर्वैर्बिन्दुमालायाश्च
sarvairbindumālāyāśca
- 14
तस्मान्मालाद्वयम् अपि गलकक्षवङ्क्षणप्रदेशेषु
tasmānmālādvayam api galakakṣavaṅkṣaṇapradeśeṣu
- 15
ललाटे चोर्वोर्बिन्दुमाला
lalāṭe corvorbindumālā
- 16
मण्डलम् इव विषमकूटकयुक्तं खण्डाभ्रकं स्तनपृष्ठ एव
maṇḍalam iva viṣamakūṭakayuktaṃ khaṇḍābhrakaṃ stanapṛṣṭha eva
- 17
संहताः प्रदीर्घा बह्व्यो दशनपदराजयस्ताम्रान्तराला वराहचर्वितकम्
स्तनपृष्ठ एव
saṃhatāḥ pradīrghā bahvyo daśanapadarājayastāmrāntarālā varāhacarvitakam
stanapṛṣṭha eva
- 18
तदुभयम् अपि च चण्डवेगयोः
इति दशनच्छेद्यानि
tadubhayam api ca caṇḍavegayoḥ
iti daśanacchedyāni
- 19
विशेषके कर्णपूरे पुष्पापीडे ताम्बूलपलाशे तमालपत्त्रे चेति प्रयोज्यागामिषु नखदशनच्छेद्यादीन्याभियोगिकानि
viśeṣake karṇapūre puṣpāpīḍe tāmbūlapalāśe tamālapattre ceti prayojyāgāmiṣu nakhadaśanacchedyādīnyābhiyogikāni
- 20
देशसात्म्याच्च योषित उपचरेत्
deśasātmyācca yoṣita upacaret
- 21
मध्यदेश्या आर्यप्रायाः शुच्युपचराश्चुम्बननखदन्तपदद्वेषिण्यः
madhyadeśyā āryaprāyāḥ śucyupacarāścumbananakhadantapadadveṣiṇyaḥ
- 22
बाह्लीकदेश्या आवन्तिकाश्च
bāhlīkadeśyā āvantikāśca
- 23
चित्ररतेषु त्व् आसाम् अभिनिवेशः
citrarateṣu tv āsām abhiniveśaḥ
- 24
परिष्वङ्गचुम्बननखदन्तचूषणप्रधानाः क्षतवर्जिताः प्रहणनसाध्या मालव्य आभीर्यश्च
pariṣvaṅgacumbananakhadantacūṣaṇapradhānāḥ kṣatavarjitāḥ prahaṇanasādhyā mālavya ābhīryaśca
- 25
सिन्धुषष्ठानां च नदीनाम् अन्तरालीया औपरिष्टकसात्म्याः
sindhuṣaṣṭhānāṃ ca nadīnām antarālīyā aupariṣṭakasātmyāḥ
- 26
चण्डवेगा मन्दशीत्कृता आपरान्तिका लाठ्यश्च
caṇḍavegā mandaśītkṛtā āparāntikā lāṭhyaśca
- 27
दृढप्रहणनयोगिन्यः खरवेगा एव अपद्रव्यप्रधानाः स्त्रीराज्ये कोसलायां च
dṛḍhaprahaṇanayoginyaḥ kharavegā eva apadravyapradhānāḥ strīrājye kosalāyāṃ ca
- 28
प्रकृत्या मृद्व्यो रतिप्रिया अशुचिरुचयो निराचाराश्चान्ध्र्यः
prakṛtyā mṛdvyo ratipriyā aśucirucayo nirācārāścāndhryaḥ
- 29
सकलचतुःषष्टिप्रयोगरागिण्यो ऽश्लीलपरुषवाक्यप्रियाः शयने च सरभसोपक्रमा महाराष्ट्रिकाः
sakalacatuḥṣaṣṭiprayogarāgiṇyo 'ślīlaparuṣavākyapriyāḥ śayane ca sarabhasopakramā mahārāṣṭrikāḥ
- 30
तथाविधा एव रहसि प्रकाशन्ते नागरिकाः
tathāvidhā eva rahasi prakāśante nāgarikāḥ

