48 shlokas
- 1
रागकाले विशालयन्त्येव जघनं मृगी संविशेद् उच्चरते
rāgakāle viśālayantyeva jaghanaṃ mṛgī saṃviśed uccarate
- 2
अवह्रासयन्तीव हस्तिनी नीचरते
avahrāsayantīva hastinī nīcarate
- 3
न्याय्यो यत्र योगस्तत्र समपृष्ठम्
nyāyyo yatra yogastatra samapṛṣṭham
- 4
आभ्यां वडवा व्याख्याता
ābhyāṃ vaḍavā vyākhyātā
- 5
तत्र जघनेन नायकं प्रतिगृह्णीयात्
tatra jaghanena nāyakaṃ pratigṛhṇīyāt
- 6
अपद्रव्याणि च सविशेषं नीचरते
apadravyāṇi ca saviśeṣaṃ nīcarate
- 7
उत्फुल्लकं विजृम्भितकम् इन्द्राणिकं चेति त्रितयं मृग्याः प्रायेण
utphullakaṃ vijṛmbhitakam indrāṇikaṃ ceti tritayaṃ mṛgyāḥ prāyeṇa
- 8
शिरो विनिपात्योर्ध्वं जघनम् उत्फुल्लकम्
śiro vinipātyordhvaṃ jaghanam utphullakam
- 9
तत्रापसारं दद्यात्
tatrāpasāraṃ dadyāt
- 10
अनीचे सक्थिनी तिर्यग् अवसज्य प्रतीच्छेद् इति विजृम्भितकम्
anīce sakthinī tiryag avasajya pratīcched iti vijṛmbhitakam
- 11
पार्श्वयोः समम् ऊरू विन्यस्य पार्श्वयोर्जानुनी निदध्याद् इत्यभ्यासयोगाद् इन्द्राणी
pārśvayoḥ samam ūrū vinyasya pārśvayorjānunī nidadhyād ityabhyāsayogād indrāṇī
- 12
तयोच्चतररतस्यापि परिग्रहः
tayoccatararatasyāpi parigrahaḥ
- 13
संपुटेन प्रतिग्रहो नीचरते
saṃpuṭena pratigraho nīcarate
- 14
एतेन नीचतररते अपि हस्तिन्याः
etena nīcatararate api hastinyāḥ
- 15
संपुटकं पीडितकं वेष्टितकं वाडवकम् इति
saṃpuṭakaṃ pīḍitakaṃ veṣṭitakaṃ vāḍavakam iti
- 16
ऋजुप्रसारिताव् उभावप्युभयोश्चरणाव् इति संपुटः
ṛjuprasāritāv ubhāvapyubhayoścaraṇāv iti saṃpuṭaḥ
- 17
स द्विविधः पार्श्वसंपुट उत्तानसंपुटश्च
तथा कर्मयोगात्
पार्श्वेण तु शयानो दक्षिणेन नारीम् अधिशयीतेति सार्वत्रिकम् एतत्
sa dvividhaḥ pārśvasaṃpuṭa uttānasaṃpuṭaśca
tathā karmayogāt
pārśveṇa tu śayāno dakṣiṇena nārīm adhiśayīteti sārvatrikam etat
- 18
संपुटकप्रयुक्तयन्त्रेणैव दृढम् ऊरू पीडयेद् इति पीडितकम्
saṃpuṭakaprayuktayantreṇaiva dṛḍham ūrū pīḍayed iti pīḍitakam
- 19
ऊरू व्यत्यस्येद् इति वेष्टितकम्
ūrū vyatyasyed iti veṣṭitakam
- 20
वडवेव निष्ठुरम् अवगृह्णीयाद् इति वाडवकम् आभ्यासिकम्
vaḍaveva niṣṭhuram avagṛhṇīyād iti vāḍavakam ābhyāsikam
- 21
तदान्ध्रीषु प्रायेण
इति संवेशनप्रकारा बाभ्रवीयाः
tadāndhrīṣu prāyeṇa
iti saṃveśanaprakārā bābhravīyāḥ
- 22
सौवर्णनाभास्तु
उभावप्यूरू ऊर्ध्वाव् इति तद्भुग्नकम्
sauvarṇanābhāstu
ubhāvapyūrū ūrdhvāv iti tadbhugnakam
- 23
चरणाव् ऊर्ध्वं नायको ऽस्या धारयेद् इति जृम्भितकम्
caraṇāv ūrdhvaṃ nāyako 'syā dhārayed iti jṛmbhitakam
- 24
तत्कुञ्चिताव् उत्पीडितकम्
tatkuñcitāv utpīḍitakam
- 25
तद् एकस्मिन्प्रसारिते अर्धपीडितकम्
tad ekasminprasārite ardhapīḍitakam
- 26
नायकस्यांस एको द्वितीयकः प्रसारित इति पुनः पुनर्व्यत्यासेन वेणुदारितकम्
nāyakasyāṃsa eko dvitīyakaḥ prasārita iti punaḥ punarvyatyāsena veṇudāritakam
- 27
एकः शिरस उपरि गच्छेद्द्वितीयः प्रसारित इति शूलचितकम् आभ्यासिकम्
ekaḥ śirasa upari gaccheddvitīyaḥ prasārita iti śūlacitakam ābhyāsikam
- 28
संकुचितौ स्वबस्तिदेशे निदध्याद् इति कार्कटकम्
saṃkucitau svabastideśe nidadhyād iti kārkaṭakam
- 29
ऊर्ध्वाव् ऊरू व्यत्यस्येद् इति पीडितकम्
ūrdhvāv ūrū vyatyasyed iti pīḍitakam
- 30
जङ्घाव्यत्यासेन पद्मासनवत्
jaṅghāvyatyāsena padmāsanavat

