2 shlokas
- 1
गृहा मा बिभीत मा वेपिढ्वम् ऊर्जं बिभ्रत एमसि
ऊर्जं बिभ्रद्वसुवनिः सुमेधा गृहानेमि मनसा मोदमानः
येषामध्येति प्रवसन्नेति सौमनसो बभुः
गृहान् उपह्वयामहे ते नो जानन्तु जानतः
उपहूता इह गाव उपहूता अजावयः
अथो अन्नस्य कीलाल उपहूतो गृहेषु नः
उपहूता भूरिसखाः सखायः स्वादुसंमुदः
अरिष्टाः सर्वपूरुषा गृहा नः सन्तु सर्वदा
ऊर्जस्वन्तः पयस्वन्त इरावन्तो हसामुदः
अनश्या अतृष्या गृहा मास्मद्बिभीतन
इति गृहानभ्येति
gṛhā mā bibhīta mā vepiḍhvam ūrjaṃ bibhrata emasi
ūrjaṃ bibhradvasuvaniḥ sumedhā gṛhānemi manasā modamānaḥ
yeṣāmadhyeti pravasanneti saumanaso babhuḥ
gṛhān upahvayāmahe te no jānantu jānataḥ
upahūtā iha gāva upahūtā ajāvayaḥ
atho annasya kīlāla upahūto gṛheṣu naḥ
upahūtā bhūrisakhāḥ sakhāyaḥ svādusaṃmudaḥ
ariṣṭāḥ sarvapūruṣā gṛhā naḥ santu sarvadā
ūrjasvantaḥ payasvanta irāvanto hasāmudaḥ
anaśyā atṛṣyā gṛhā māsmadbibhītana
iti gṛhānabhyeti
- 2
क्षेमाय वः शान्त्यै प्रपद्ये शिवं शग्मं शं योः शं योः
इति प्रविशति न तदहरागतः कलहं करोति
गृहानहं सुमनसः प्रपद्ये अवीरघ्नो वीरतमः सुशेवान्
इरां वहन्तः सुमनस्यमानास्तेष्वहं सुमनाः संविशामि
इति संविशति
विश्वा उत त्वया वयं धारा उदन्या इवातिगाहेमहि द्विषः
इति भार्यां समीक्षते समीक्षते
kṣemāya vaḥ śāntyai prapadye śivaṃ śagmaṃ śaṃ yoḥ śaṃ yoḥ
iti praviśati na tadaharāgataḥ kalahaṃ karoti
gṛhānahaṃ sumanasaḥ prapadye avīraghno vīratamaḥ suśevān
irāṃ vahantaḥ sumanasyamānāsteṣvahaṃ sumanāḥ saṃviśāmi
iti saṃviśati
viśvā uta tvayā vayaṃ dhārā udanyā ivātigāhemahi dviṣaḥ
iti bhāryāṃ samīkṣate samīkṣate

