8 shlokas
- 1
अग्ने प्रायश्चित्ते त्वं प्रायश्चित्तिर् असि ब्राह्मणस्त्वा नाथकाम उपधावामि यास्यै घोरा तनूस्तामितो नाशय स्वाहा
वायो प्रायश्चित्ते त्वं प्रायश्चित्तिर् असि ब्राह्मणस्त्वा नाथकाम उपधावामि यास्यै निन्दिता तनूस्तामितो नाशय स्वाहा
आदित्य प्रायश्चित्ते त्वं प्रायश्चित्तिर् असि ब्राह्मणस्त्वा नाथकाम उपधावामि यास्यै पतिघ्नी तनूस्तामितो नाशय स्वाहा
आदित्य प्रायश्चित्ते वायो प्रायश्चित्ते ऽग्ने प्रायश्चित्ते ऽग्ने प्रायश्चित्ते वायो प्रायश्चित्त आदित्य प्रायश्चित्त इति
agne prāyaścitte tvaṃ prāyaścittir asi brāhmaṇastvā nāthakāma upadhāvāmi yāsyai ghorā tanūstāmito nāśaya svāhā
vāyo prāyaścitte tvaṃ prāyaścittir asi brāhmaṇastvā nāthakāma upadhāvāmi yāsyai ninditā tanūstāmito nāśaya svāhā
āditya prāyaścitte tvaṃ prāyaścittir asi brāhmaṇastvā nāthakāma upadhāvāmi yāsyai patighnī tanūstāmito nāśaya svāhā
āditya prāyaścitte vāyo prāyaścitte 'gne prāyaścitte 'gne prāyaścitte vāyo prāyaścitta āditya prāyaścitta iti
- 2
हुत्वाथास्यै मूर्ध्नि संस्रावं जुहोति
भूर्भगं त्वयि जुहोमि स्वाहा
भुवो यशस्त्वयि जुहोमि स्वाहा
सुवः श्रियं त्वयि जुहोमि स्वाहा
भूर्भुवः सुवस्त्विषिं त्वयि जुहोमि स्वाहेति
hutvāthāsyai mūrdhni saṃsrāvaṃ juhoti
bhūrbhagaṃ tvayi juhomi svāhā
bhuvo yaśastvayi juhomi svāhā
suvaḥ śriyaṃ tvayi juhomi svāhā
bhūrbhuvaḥ suvastviṣiṃ tvayi juhomi svāheti
- 3
अत्रैवोदपात्रं निधाय प्रदक्षिणम् अग्निं परिक्रम्यापरेणाग्निं प्राचीम् उदीचीं वा संवेश्याथास्यै योनिम् अभिमृशति
अभि त्वा पञ्चशाखेन शिवेनाविद्विषावता
साहस्रेण यशस्विना हस्तेनाभिमृशामसि सुप्रजास्त्वाय
इति
atraivodapātraṃ nidhāya pradakṣiṇam agniṃ parikramyāpareṇāgniṃ prācīm udīcīṃ vā saṃveśyāthāsyai yonim abhimṛśati
abhi tvā pañcaśākhena śivenāvidviṣāvatā
sāhasreṇa yaśasvinā hastenābhimṛśāmasi suprajāstvāya
iti
- 4
अथैनाम् उपयच्छते
सं नाम्नः सं हृदयानि सं नाभिः सं त्वचः
सं त्वा कामस्य योक्त्रेण युञ्जान्य् अविमोचनाय
इति
athainām upayacchate
saṃ nāmnaḥ saṃ hṛdayāni saṃ nābhiḥ saṃ tvacaḥ
saṃ tvā kāmasya yoktreṇa yuñjāny avimocanāya
iti
- 5
अथैनां परिष्वजते
मामनुव्रता भव सहचर्या मया भव
या ते पतिघ्नी तनूर्जारघ्नीं त्वेतां करोमि
शिवा त्वं मह्यमेधि क्षुरपविर्जारेभ्यः
इति
athaināṃ pariṣvajate
māmanuvratā bhava sahacaryā mayā bhava
yā te patighnī tanūrjāraghnīṃ tvetāṃ karomi
śivā tvaṃ mahyamedhi kṣurapavirjārebhyaḥ
iti
- 6
अथास्यै मुखेन मुखमीप्सते
मधु हे मध्विदं मधु जिह्वा मे मधुवादिनी
मुखे मे सारघं मधु दत्सु संवननं कृतं चाक्रवाकं संवननं यन्नदीभ्य उदाहृतम्
यद्युक्तो देवगन्धर्वस्तेन संवनिनौ स्वके
इति
athāsyai mukhena mukhamīpsate
madhu he madhvidaṃ madhu jihvā me madhuvādinī
mukhe me sāraghaṃ madhu datsu saṃvananaṃ kṛtaṃ cākravākaṃ saṃvananaṃ yannadībhya udāhṛtam
yadyukto devagandharvastena saṃvaninau svake
iti
- 7
त्रिरात्रं मलवद्वाससा ब्राह्मणव्याख्यातानि व्रतानि चरति
trirātraṃ malavadvāsasā brāhmaṇavyākhyātāni vratāni carati
- 8
चतुर्थ्यां स्नातां प्रयतवस्त्राम् अलंकृतां ब्राह्मणसंभाषाम् आचम्योपह्वयते
caturthyāṃ snātāṃ prayatavastrām alaṃkṛtāṃ brāhmaṇasaṃbhāṣām ācamyopahvayate

