21 shlokas
- 1
दर्शे चन्द्रमसं दृष्ट्वाप आचम्यापो धारयमाणः
आ प्यायस्व
सं ते
नवो नवो भवति जायमानः
यमादित्या अंशुमाप्याययन्तीति चतसृभिरुपतिष्ठते
darśe candramasaṃ dṛṣṭvāpa ācamyāpo dhārayamāṇaḥ
ā pyāyasva
saṃ te
navo navo bhavati jāyamānaḥ
yamādityā aṃśumāpyāyayantīti catasṛbhirupatiṣṭhate
- 2
मयि दक्षक्रतू
इति जञ्जभ्यमानो जपति
mayi dakṣakratū
iti jañjabhyamāno japati
- 3
सिग् असि नसि वज्रो नमस्ते अस्तु मा मा हिंसीः
इति सिचाधिक्षिप्तो जपति
sig asi nasi vajro namaste astu mā mā hiṃsīḥ
iti sicādhikṣipto japati
- 4
तस्य तन्तुमाच्छिद्य मुखवातेन प्रध्वंसयेत्
tasya tantumācchidya mukhavātena pradhvaṃsayet
- 5
ये पक्षिणः पतयन्ति बिभ्यतो निरृतैः सह
ते मा शिवेन शग्मेन तेजसोन्दन्तु वर्चसा
इति वयसाधिक्षिप्तो जपति तदन्येन हस्तात्प्रमृज्याद्भिः प्रक्षालयीत
ye pakṣiṇaḥ patayanti bibhyato nirṛtaiḥ saha
te mā śivena śagmena tejasondantu varcasā
iti vayasādhikṣipto japati tadanyena hastātpramṛjyādbhiḥ prakṣālayīta
- 6
दिवो नु मा बृहतो अन्तरिक्षाद् अपां स्तोको अभ्यपतच्छिवाय
समिन्द्रियेण मनसाहमागां ब्रह्मणा गुप्तः सुकृता कृतेन
इति जपेद्यद्येनम् अविज्ञातो ऽपां स्तोको ऽभिच्छादयेत्
divo nu mā bṛhato antarikṣād apāṃ stoko abhyapatacchivāya
samindriyeṇa manasāhamāgāṃ brahmaṇā guptaḥ sukṛtā kṛtena
iti japedyadyenam avijñāto 'pāṃ stoko 'bhicchādayet
- 7
यदि वृक्षाग्राद् अभ्यपतत्फलं यद्वान्तरिक्षात्तद् उ वायुरेव
यत्रा वृक्षस्तनुवै यत्र वास आपो बाधन्तां निरृतिं पराचैः
इति जपेद्यद्येनम् अविज्ञातं फलमभिपतेत्
yadi vṛkṣāgrād abhyapatatphalaṃ yadvāntarikṣāttad u vāyureva
yatrā vṛkṣastanuvai yatra vāsa āpo bādhantāṃ nirṛtiṃ parācaiḥ
iti japedyadyenam avijñātaṃ phalamabhipatet
- 8
नमः पथिषदे वातेषवे रुद्राय नमो रुद्राय पथिषद इति चतुष्पथम् अवक्रम्य जपति
namaḥ pathiṣade vāteṣave rudrāya namo rudrāya pathiṣada iti catuṣpatham avakramya japati
- 9
नमः पशुषदे वातेषवे रुद्राय नमो रुद्राय पशुषद इति शकृद्धतौ
namaḥ paśuṣade vāteṣave rudrāya namo rudrāya paśuṣada iti śakṛddhatau
- 10
नमः सर्पसदे वातेषवे रुद्राय नमो रुद्राय सर्पसद इति सर्पसृप्ते
namaḥ sarpasade vāteṣave rudrāya namo rudrāya sarpasada iti sarpasṛpte
- 11
नमो ऽन्तरिक्षसदे वातेषवे रुद्राय नमो रुद्रायान्तरिक्षसद इति जपेद्यद्य् एनं संवर्तवात आगच्छेत्
namo 'ntarikṣasade vāteṣave rudrāya namo rudrāyāntarikṣasada iti japedyady enaṃ saṃvartavāta āgacchet
- 12
नमो ऽप्सुषदे वातेषवे रुद्राय नमो रुद्रायाप्सुषद इति नदीम् उदन्वतीम् अवगाह्य जपति
namo 'psuṣade vāteṣave rudrāya namo rudrāyāpsuṣada iti nadīm udanvatīm avagāhya japati
- 13
नमस्तत्सदे वातेषवे रुद्राय नमो रुद्राय तत्सद इति चित्रं देशं देवयजनं वनस्पतिं वाक्रम्य जपति
namastatsade vāteṣave rudrāya namo rudrāya tatsada iti citraṃ deśaṃ devayajanaṃ vanaspatiṃ vākramya japati
- 14
सूर्याभ्युदितो ऽहनि नाश्नीयाद्वाग्यतो ऽहस्तिष्ठेत्
sūryābhyudito 'hani nāśnīyādvāgyato 'hastiṣṭhet
- 15
सूर्याभिनिम्रुक्तो रात्रावेवम्
sūryābhinimrukto rātrāvevam
- 16
न यूपमुपस्पृशेत्
यद्य् उपस्पृशेद्दुरिष्टं यज्ञस्य प्रतिमुञ्चीत
यद्येकम् उपस्पृशेत्
एष ते वायो
इति ब्रूयाद्यदि द्वौ
एतौ ते वायू
इति यदि बहून्
एते ते वायवः
इति
na yūpamupaspṛśet
yady upaspṛśedduriṣṭaṃ yajñasya pratimuñcīta
yadyekam upaspṛśet
eṣa te vāyo
iti brūyādyadi dvau
etau te vāyū
iti yadi bahūn
ete te vāyavaḥ
iti
- 17
अनिहूतं परिहूतं परिष्टुतं शकुनै रुदितं च यत्
मृगस्य शृतमक्ष्णया तद्द्विषद्भ्यो भयामसीत्य् अध्वानम् अभिप्रव्रजञ्जपति
anihūtaṃ parihūtaṃ pariṣṭutaṃ śakunai ruditaṃ ca yat
mṛgasya śṛtamakṣṇayā taddviṣadbhyo bhayāmasīty adhvānam abhipravrajañjapati
- 18
उद्गातेव शकुने साम गायसि ब्रह्मपुत्र इव सवनेषु शंससि
स्वस्ति नः शकुने अस्तु शिवो नः सुमना भव
इत्यनभिप्रेतं शकुनं प्रतिजपति
udgāteva śakune sāma gāyasi brahmaputra iva savaneṣu śaṃsasi
svasti naḥ śakune astu śivo naḥ sumanā bhava
ityanabhipretaṃ śakunaṃ pratijapati
- 19
यदेतद्भूतान्यन्वाविश्य दैवीं वाचं वदसि
द्विषतो नः परावद तान्मृत्यो मृत्यवे नय
इत्येकसृकम्
yadetadbhūtānyanvāviśya daivīṃ vācaṃ vadasi
dviṣato naḥ parāvada tānmṛtyo mṛtyave naya
ityekasṛkam
- 20
अथास्मा उभयत आदीप्तम् उल्मुकं तां दिशं प्रति निरस्यति
अग्ने अग्निना संवदस्व मृत्यो मृत्युना संवदस्व
इत्य् अप उपस्पृश्य
athāsmā ubhayata ādīptam ulmukaṃ tāṃ diśaṃ prati nirasyati
agne agninā saṃvadasva mṛtyo mṛtyunā saṃvadasva
ity apa upaspṛśya
- 21
अथैनमुपतिष्ठते
विभूर् असि प्रवाहणः
इत्येतेनानुवाकेन
athainamupatiṣṭhate
vibhūr asi pravāhaṇaḥ
ityetenānuvākena

