3 shlokas
- 1
वास्तोष्पते
वास्तोष्पत इति द्वे
वास्तोष्पते प्रतरणो न एधि गयस्फानो गोभिर् अश्वेभिर् इन्दो
अजरासस्ते सख्ये स्याम पितेव पुत्रान्प्रति नो जुषस्व
स्वाहा
अपैतु मृत्युर् अमृतं न आगन्वैवस्वतो नो अभयं कृणोतु
पर्णं वनस्पतेर् इवाभि नः शीयतां रयिः सचतां नः शचीपतिः
स्वाहा
परं मृत्यो अनुपरेहि पन्थां यस्ते स्व इतरो देवयानात्
वास्तोष्पते शृण्वते ते ब्रवीमि मा नः प्रजां रीरिषो मोत वीरान्
स्वाहा
इदम् ऊ नु श्रेयो वसानम् आगन्म यद्गोजिद्धनजिद् अश्वजिद्यत्
पर्णं वनस्पतेर् इवाभि नः शीयतां रयिः सचतां नः शचीपतिः
स्वाहा
इमं मे वरुण
तत्त्वा यामि
त्वं नो अग्ने
स त्वं नो अग्ने
त्वमग्ने अयामि
प्रजापते
यद् अस्य कर्मणो ऽत्यरीरिचम्
इति चात्रैके जयाभ्यातानान्राष्ट्रभृत इत्युपजुह्वति यथा पुरस्तात्
ब्राह्मणानन्नेन परिविष्य पुण्याहं स्वस्त्ययनम् ऋद्धिमिति वाचयित्वा
vāstoṣpate
vāstoṣpata iti dve
vāstoṣpate prataraṇo na edhi gayasphāno gobhir aśvebhir indo
ajarāsaste sakhye syāma piteva putrānprati no juṣasva
svāhā
apaitu mṛtyur amṛtaṃ na āganvaivasvato no abhayaṃ kṛṇotu
parṇaṃ vanaspater ivābhi naḥ śīyatāṃ rayiḥ sacatāṃ naḥ śacīpatiḥ
svāhā
paraṃ mṛtyo anuparehi panthāṃ yaste sva itaro devayānāt
vāstoṣpate śṛṇvate te bravīmi mā naḥ prajāṃ rīriṣo mota vīrān
svāhā
idam ū nu śreyo vasānam āganma yadgojiddhanajid aśvajidyat
parṇaṃ vanaspater ivābhi naḥ śīyatāṃ rayiḥ sacatāṃ naḥ śacīpatiḥ
svāhā
imaṃ me varuṇa
tattvā yāmi
tvaṃ no agne
sa tvaṃ no agne
tvamagne ayāmi
prajāpate
yad asya karmaṇo 'tyarīricam
iti cātraike jayābhyātānānrāṣṭrabhṛta ityupajuhvati yathā purastāt
brāhmaṇānannena pariviṣya puṇyāhaṃ svastyayanam ṛddhimiti vācayitvā
- 2
एवं विहितं संवत्सरे संवत्सरे वास्तुशमनम्
evaṃ vihitaṃ saṃvatsare saṃvatsare vāstuśamanam
- 3
ऋतावृतावित्येके
ṛtāvṛtāvityeke

