8 shlokas
- 1
यद्वो देवाः प्रपणं चराम देवा धनेन धनम् इच्छमानाः
तस्मिन्सोमो रुचम् आदधात्व् अग्निरिन्द्रो बृहस्पतिरीशानश्च
स्वाहेति
yadvo devāḥ prapaṇaṃ carāma devā dhanena dhanam icchamānāḥ
tasminsomo rucam ādadhātv agnirindro bṛhaspatirīśānaśca
svāheti
- 2
अथातः क्रोधविनयनम्
athātaḥ krodhavinayanam
- 3
या त एषा रराट्या तनूर्मन्योर्मृद्धस्य नाशिनी तां देवा ब्रह्मचारिणो विनयन्तु सुमेधसः
यत्त एतन्मुखे मतं रराटम् उद् इव विध्यसि
अव द्याम् इव धन्विनो हृदो मन्युं तनोमि ते
अहर्द्यौश्च पृथिवी च विधे क्रोधं नयामसि
गर्भमश्वतर्या इव
इति क्रुद्धम् अभिमन्त्रयते
yā ta eṣā rarāṭyā tanūrmanyormṛddhasya nāśinī tāṃ devā brahmacāriṇo vinayantu sumedhasaḥ
yatta etanmukhe mataṃ rarāṭam ud iva vidhyasi
ava dyām iva dhanvino hṛdo manyuṃ tanomi te
ahardyauśca pṛthivī ca vidhe krodhaṃ nayāmasi
garbhamaśvataryā iva
iti kruddham abhimantrayate
- 4
अथातः संवादाभिजयनम्
athātaḥ saṃvādābhijayanam
- 5
निशायाम् अन्तरागारे ऽग्निम् उपसमाधाय व्याहृतिपर्यन्तं कृत्वा कणैर् आज्यमिश्रैर्जुहोति
अवजिह्व निजिह्विकाव त्वा हविषा यजे
यथाहम् उत्तरो वदाम्यधरो वद् असौ वदा
स्वाहेति
niśāyām antarāgāre 'gnim upasamādhāya vyāhṛtiparyantaṃ kṛtvā kaṇair ājyamiśrairjuhoti
avajihva nijihvikāva tvā haviṣā yaje
yathāham uttaro vadāmyadharo vad asau vadā
svāheti
- 6
अथैनं संनिधावभिजपति
आ ते वाचम् आस्याद् अदे मनस्यां हृदयाद् अधि
अङ्गाद् अङ्गात्ते वाचम् आददे यत्र यत्र निहिता वाक्तां त आददे
रुद्र नीलशिखण्ड वीर कर्मणि कर्मणीमं मे प्रतिसंवादिनं वृक्षम् इवाशनिना जहि
अधो वदाधरो वदाधस्ताद्भूम्या वद
अधोप्रतिर् इव कूटेन निजस्य निहितो मया
तत्सत्यं यद् अहं ब्रवीम्य् अधरो मत्पद्यस्वासाव् इति
athainaṃ saṃnidhāvabhijapati
ā te vācam āsyād ade manasyāṃ hṛdayād adhi
aṅgād aṅgātte vācam ādade yatra yatra nihitā vāktāṃ ta ādade
rudra nīlaśikhaṇḍa vīra karmaṇi karmaṇīmaṃ me pratisaṃvādinaṃ vṛkṣam ivāśaninā jahi
adho vadādharo vadādhastādbhūmyā vada
adhopratir iva kūṭena nijasya nihito mayā
tatsatyaṃ yad ahaṃ bravīmy adharo matpadyasvāsāv iti
- 7
हिरण्यबाहुः सुभगा जिताक्ष्यलंकृता मध्ये
देवानाम् आसीनार्थं मह्यम् अवोचत्स्वाहेति सभाम् आलभ्य जपति
hiraṇyabāhuḥ subhagā jitākṣyalaṃkṛtā madhye
devānām āsīnārthaṃ mahyam avocatsvāheti sabhām ālabhya japati
- 8
मम परे ममापरे ममेयं पृथिवी मही
ममाग्निश्चेन्द्रश्च दिव्यम् अर्थम् असाधयन्निव
इति परिषदम् अभिवीक्षते ऽभ्येव जपति
mama pare mamāpare mameyaṃ pṛthivī mahī
mamāgniścendraśca divyam artham asādhayanniva
iti pariṣadam abhivīkṣate 'bhyeva japati

