20 shlokas
- 1
स्वाहा नमो य इदं चकारेति पुनर् एत्य गार्हपत्ये हुत्वानुमतेन प्रचरति
svāhā namo ya idaṃ cakāreti punar etya gārhapatye hutvānumatena pracarati
- 2
धेनुर्दक्षिणा
dhenurdakṣiṇā
- 3
आदित्यं चरुम् इत्य् एताभिर् अन्वहम् इष्ट्वा चातुर्मास्यान्य् आलभते
ādityaṃ carum ity etābhir anvaham iṣṭvā cāturmāsyāny ālabhate
- 4
तैः संवत्सरं यजते
taiḥ saṃvatsaraṃ yajate
- 5
न शुनासीरीयं प्रतिसमस्यति
na śunāsīrīyaṃ pratisamasyati
- 6
ततश्चतुर्हविषेन्द्रतुरीयेण यजते
tataścaturhaviṣendraturīyeṇa yajate
- 7
आग्नेयम् अष्टाकपालम् इति
āgneyam aṣṭākapālam iti
- 8
वहिनी धेनुर्दक्षिणा
vahinī dhenurdakṣiṇā
- 9
तया भ्रातृव्यवन्तं प्रियं वा याजयेत्
tayā bhrātṛvyavantaṃ priyaṃ vā yājayet
- 10
एतस्या एव रात्रेर्निशायां पञ्चेध्मीयेन यजते
etasyā eva rātrerniśāyāṃ pañcedhmīyena yajate
- 11
चतुर्धाहवनीयं प्रतिदिशं व्युद्धृत्य मध्ये पञ्चमं कृत्वा पृथग् इध्मान् उपसमाधाय जुह्वां पञ्चगृहीतं गृहीत्वा ये देवाः पुरःसद इत्य् एतैर्यथालिङ्गं जुहोति
मध्ये पञ्चमेन
caturdhāhavanīyaṃ pratidiśaṃ vyuddhṛtya madhye pañcamaṃ kṛtvā pṛthag idhmān upasamādhāya juhvāṃ pañcagṛhītaṃ gṛhītvā ye devāḥ puraḥsada ity etairyathāliṅgaṃ juhoti
madhye pañcamena
- 12
समूढं रक्ष इति मध्य इध्मान् उपसमूह्यैकधोपसमाधायापरं पञ्चगृहीतं गृहीत्वाग्नये रक्षोघ्ने स्वाहेत्य् उत्तराः पञ्चाहुतीर्जुहोति
samūḍhaṃ rakṣa iti madhya idhmān upasamūhyaikadhopasamādhāyāparaṃ pañcagṛhītaṃ gṛhītvāgnaye rakṣoghne svāhety uttarāḥ pañcāhutīrjuhoti
- 13
प्रष्टिवाही रथो दक्षिणा
पञ्चवाही वा
praṣṭivāhī ratho dakṣiṇā
pañcavāhī vā
- 14
तेन यजेत यो रक्षोभ्यो बिभीयात्पिशाचेभ्यो वा
tena yajeta yo rakṣobhyo bibhīyātpiśācebhyo vā
- 15
व्युष्टायां पुराग्निहोत्राद् अपामार्गहोमेन चरन्ति
vyuṣṭāyāṃ purāgnihotrād apāmārgahomena caranti
- 16
अपां न्ययनाद् अपामार्गान् आहृत्य तान्सक्तून्कृत्वा दक्षिणाग्नेर् एकोल्मुकं धूपायद्धरति
apāṃ nyayanād apāmārgān āhṛtya tānsaktūnkṛtvā dakṣiṇāgner ekolmukaṃ dhūpāyaddharati
- 17
उत्तरम् अपरम् अवान्तरदेशं गत्वा स्वकृत इरिणे प्रदरे वोपसमाधाय देवस्य त्वेत्य् अनुद्रुत्य रक्षसो वधं जुहोमीति पर्णमयेन स्रुवेण जुहोति
uttaram aparam avāntaradeśaṃ gatvā svakṛta iriṇe pradare vopasamādhāya devasya tvety anudrutya rakṣaso vadhaṃ juhomīti parṇamayena sruveṇa juhoti
- 18
हतं रक्ष इति स्रुवम् अनुप्रहृत्यावधिष्म रक्ष इत्य् उपतिष्ठते
hataṃ rakṣa iti sruvam anuprahṛtyāvadhiṣma rakṣa ity upatiṣṭhate
- 19
यद्वस्ते तद्दक्षिणा
वरो वा
yadvaste taddakṣiṇā
varo vā
- 20
अप्रतीक्षम् आयन्ति रक्षसाम् अन्तर्हित्या इति विज्ञायते
apratīkṣam āyanti rakṣasām antarhityā iti vijñāyate

