21 shlokas
- 1
आ मा वाजस्य प्रसवो जगम्याद् इति प्रत्यासृतेषु हुत्वा पुनर्नैवारम् अवघ्रापयति
ससृवांस इति लेपांश्च निमार्ष्टि
ā mā vājasya prasavo jagamyād iti pratyāsṛteṣu hutvā punarnaivāram avaghrāpayati
sasṛvāṃsa iti lepāṃśca nimārṣṭi
- 2
इयं वः सा सत्या संधाभूद् इति दुन्दुभिविमोचनीयं होमं जुहोति
iyaṃ vaḥ sā satyā saṃdhābhūd iti dundubhivimocanīyaṃ homaṃ juhoti
- 3
सेवान्वोपस्पृशति
sevānvopaspṛśati
- 4
कृष्णलं कृष्णलं वाजसृद्भ्यः प्रयच्छति
kṛṣṇalaṃ kṛṣṇalaṃ vājasṛdbhyaḥ prayacchati
- 5
तानि प्रत्यादाय ब्रह्मणे ददाति
मधुष्ठालं च सौवर्णं शतमानस्य कृतम्
tāni pratyādāya brahmaṇe dadāti
madhuṣṭhālaṃ ca sauvarṇaṃ śatamānasya kṛtam
- 6
अत्र माहेन्द्रस्य स्तोत्रम् उपाकरोति
atra māhendrasya stotram upākaroti
- 7
अप्रस्तुते क्षत्रस्योल्बम् असीति तार्प्यं यजमानः परिधत्ते
aprastute kṣatrasyolbam asīti tārpyaṃ yajamānaḥ paridhatte
- 8
क्षत्रस्य योनिर् असीति दर्भमयं पत्नी
kṣatrasya yonir asīti darbhamayaṃ patnī
- 9
जाय एहीति यजमानः पत्नीम् आमन्त्रयते
jāya ehīti yajamānaḥ patnīm āmantrayate
- 10
रोहाव हीतीतरा प्रत्याह
rohāva hītītarā pratyāha
- 11
त्रिर् आमन्त्रयते
त्रिः प्रत्याह
trir āmantrayate
triḥ pratyāha
- 12
अहं नाव् उभयोः सुवो रोक्ष्यामीति यजमानो ऽन्ततः
ahaṃ nāv ubhayoḥ suvo rokṣyāmīti yajamāno 'ntataḥ
- 13
वाजश्च प्रसवश्चेति द्वादश वाजप्रसवीयान्होमान्हुत्वायुर्यज्ञेन कल्पताम् इति दशभिः कल्पैः सरजसे निश्रयण्या यूपं यजमान आरोहति
vājaśca prasavaśceti dvādaśa vājaprasavīyānhomānhutvāyuryajñena kalpatām iti daśabhiḥ kalpaiḥ sarajase niśrayaṇyā yūpaṃ yajamāna ārohati
- 14
सुवर्देवाꣳ अगन्मेत्य् अग्रं प्राप्य जपति
suvardevām̐ aganmety agraṃ prāpya japati
- 15
सम् अहं प्रजया सं मया प्रजेति गृहान्प्रेक्षते
sam ahaṃ prajayā saṃ mayā prajeti gṛhānprekṣate
- 16
तम् आश्वत्थैर् आसपुटैर् ऊषपुटैर् उभयैर्वा वैश्याः प्रतिदिशम् अर्पयन्ति
महर्त्विजो वा दीर्घवंशेषु प्रबध्य
tam āśvatthair āsapuṭair ūṣapuṭair ubhayairvā vaiśyāḥ pratidiśam arpayanti
mahartvijo vā dīrghavaṃśeṣu prabadhya
- 17
अन्नाय त्वेति पुरस्ताद् अध्वर्युः
अन्नाद्याय त्वेति दक्षिणतो ब्रह्मा
वाजाय त्वेति पश्चाद्धोता
वाजजित्यायै त्वेत्य् उत्तरत उद्गाता
annāya tveti purastād adhvaryuḥ
annādyāya tveti dakṣiṇato brahmā
vājāya tveti paścāddhotā
vājajityāyai tvety uttarata udgātā
- 18
मुखतो ऽभिघ्नन्ति
mukhato 'bhighnanti
- 19
हन्तारं हन्तारम् अभिपर्यावर्तते
hantāraṃ hantāram abhiparyāvartate
- 20
इयं ते राण्मित्राय यन्त्राय धर्त्राय कृष्यै क्षेमाय रय्यै पोषायेति प्रत्यवरोहति
iyaṃ te rāṇmitrāya yantrāya dhartrāya kṛṣyai kṣemāya rayyai poṣāyeti pratyavarohati
- 21
अग्रेण यूपं बस्ताजिनं प्राचीनग्रीवम् उत्तरलोमास्तीर्य
agreṇa yūpaṃ bastājinaṃ prācīnagrīvam uttaralomāstīrya

