22 shlokas
- 1
अर्थेत स्थेति सारस्वतीष्व् अप्सु हुत्वैतेनैव मन्त्रेण गृह्णाति
artheta stheti sārasvatīṣv apsu hutvaitenaiva mantreṇa gṛhṇāti
- 2
एवम् उत्तरैः
येन जुहोति तेन गृह्णाति
evam uttaraiḥ
yena juhoti tena gṛhṇāti
- 3
अपां पतिर् इति समुद्रियाः सैन्धवीर्वा यो वान्यः पुंनदः स्यात्
apāṃ patir iti samudriyāḥ saindhavīrvā yo vānyaḥ puṃnadaḥ syāt
- 4
पुरुषे पशौ वाभ्यवेते प्रतीपम् अन्य ऊर्मिर्युध्यति
अन्वीपम् अन्यः
puruṣe paśau vābhyavete pratīpam anya ūrmiryudhyati
anvīpam anyaḥ
- 5
वृषासीति यः प्रतीपम्
वृषसेनो ऽसीति यो ऽन्वीपम्
vṛṣāsīti yaḥ pratīpam
vṛṣaseno 'sīti yo 'nvīpam
- 6
व्रजक्षित स्थेति कूप्यानाम्
vrajakṣita stheti kūpyānām
- 7
मरुताम् ओज स्थेति याः प्रतीपं गच्छन्ति
ह्रादुनीनां वा
marutām oja stheti yāḥ pratīpaṃ gacchanti
hrādunīnāṃ vā
- 8
प्रहावरी स्थेति या उत्स्यन्दित्वा तत्रैव प्रत्यवसिच्यन्ते
prahāvarī stheti yā utsyanditvā tatraiva pratyavasicyante
- 9
परिवाहिणी स्थेति परिनदीनाम्
parivāhiṇī stheti parinadīnām
- 10
सूर्यवर्चस इत्य् आतपति वर्ष्याणाम्
sūryavarcasa ity ātapati varṣyāṇām
- 11
सूर्यत्वचस इति यासु रूपाणि परिदृश्यन्ते
sūryatvacasa iti yāsu rūpāṇi paridṛśyante
- 12
मान्दा इति स्थावराणाम्
māndā iti sthāvarāṇām
- 13
वाशा इति प्रुष्वाणाम्
vāśā iti pruṣvāṇām
- 14
शक्वरीर् इति गोर् उल्ब्यानाम्
śakvarīr iti gor ulbyānām
- 15
विश्वभृत इति पयसः
viśvabhṛta iti payasaḥ
- 16
जनभृत इति दध्नः
janabhṛta iti dadhnaḥ
- 17
अग्नेस्तेजस्या इति घृतस्य
agnestejasyā iti ghṛtasya
- 18
अपाम् ओषधीनां रस इति मधुनः
apām oṣadhīnāṃ rasa iti madhunaḥ
- 19
अपो देवीर्मधुमतीर् अगृह्णन्न् इति सर्वत्र होमे ग्रहणे चानुषजति
apo devīrmadhumatīr agṛhṇann iti sarvatra home grahaṇe cānuṣajati
- 20
राष्ट्रदा स्थ राष्ट्रं दत्त स्वाहेति होमसंयुक्ते
राष्ट्रदा स्थ राष्ट्रम् अमुष्मै दत्तेति ग्रहणसंयुक्ते
rāṣṭradā stha rāṣṭraṃ datta svāheti homasaṃyukte
rāṣṭradā stha rāṣṭram amuṣmai datteti grahaṇasaṃyukte
- 21
देवीर् आप इति वैतसे सते ग्रहान्समवनीयानाधृष्टाः सीदतेत्य् अन्तरा होतुर्धिष्णियं ब्राह्मणाच्छंसिनश्च सादयित्वानिभृष्टम् असीति तस्मिञ्छतमानं हिरण्यम् अवधाय शुक्रा वः शुक्रेणोत्पुनामीति तेनोत्पूय सधमादो द्युम्निनीर् ऊर्ज एता इति चतुर्षु पात्रेषु व्यानयति
पालाश औदुम्बर आश्वत्थे नैयग्रोधे च
devīr āpa iti vaitase sate grahānsamavanīyānādhṛṣṭāḥ sīdatety antarā hoturdhiṣṇiyaṃ brāhmaṇācchaṃsinaśca sādayitvānibhṛṣṭam asīti tasmiñchatamānaṃ hiraṇyam avadhāya śukrā vaḥ śukreṇotpunāmīti tenotpūya sadhamādo dyumninīr ūrja etā iti caturṣu pātreṣu vyānayati
pālāśa audumbara āśvatthe naiyagrodhe ca
- 22
यः सते प्ररेकस्तम् उदङ्परेत्य रुद्र यत्ते क्रयी परं नामेत्य् आग्नीध्रीये जुहोति
yaḥ sate prarekastam udaṅparetya rudra yatte krayī paraṃ nāmety āgnīdhrīye juhoti

