11 shlokas
- 1
समिधम् आ तिष्ठेति
मनसा चानुप्रक्रामति
samidham ā tiṣṭheti
manasā cānuprakrāmati
- 2
अत्र वा मारुतं निर्वपेत्
atra vā mārutaṃ nirvapet
- 3
तं बर्हिषदं कृत्वैना व्याघ्रं परिषस्वजानाः सिंहं हिन्वन्ति महते सौभगाय
समुद्रं न सुहवं तस्थिवांसं मर्मृज्यन्ते द्वीपिनम् अप्स्व् अन्तर् इति स्फ्येन पुरोडाशम् अभिचरन्निहन्ति
taṃ barhiṣadaṃ kṛtvainā vyāghraṃ pariṣasvajānāḥ siṃhaṃ hinvanti mahate saubhagāya
samudraṃ na suhavaṃ tasthivāṃsaṃ marmṛjyante dvīpinam apsv antar iti sphyena puroḍāśam abhicarannihanti
- 4
यत्स्फ्य आश्लिष्यति यच्च प्रतिशीर्यते तद्विष्णवे शिपिविष्टाय जुहोति
yatsphya āśliṣyati yacca pratiśīryate tadviṣṇave śipiviṣṭāya juhoti
- 5
अग्रेण प्रशास्तुर्धिष्णियं खादिरीम् औदुम्बरीं वासन्दीं प्रतिष्ठाप्य सोमस्य त्विषिर् असीति तस्यां शार्दूलचर्म प्राचीनग्रीवम् उत्तरलोमास्तीर्यामृतम् असीति तस्मिञ्छतमानं हिरण्यं निधाय दिद्योन्मा पाहीति सौवर्णेन शतमानेन शतक्षरेण शतकृष्णलेन वा यजमानस्य शीर्षन्न् अधि निधत्ते
agreṇa praśāsturdhiṣṇiyaṃ khādirīm audumbarīṃ vāsandīṃ pratiṣṭhāpya somasya tviṣir asīti tasyāṃ śārdūlacarma prācīnagrīvam uttaralomāstīryāmṛtam asīti tasmiñchatamānaṃ hiraṇyaṃ nidhāya didyonmā pāhīti sauvarṇena śatamānena śatakṣareṇa śatakṛṣṇalena vā yajamānasya śīrṣann adhi nidhatte
- 6
तम् आरोहन्यजमानो ऽवेष्टा दन्दशूका इति दक्षिणेन पदा सीसं पण्डकाय प्रत्यस्यति
निरस्तं नमुचेः शिर इति सव्येन लोहितायसं केशवापाय
tam ārohanyajamāno 'veṣṭā dandaśūkā iti dakṣiṇena padā sīsaṃ paṇḍakāya pratyasyati
nirastaṃ namuceḥ śira iti savyena lohitāyasaṃ keśavāpāya
- 7
तौ बहिर्वेदि निरस्यतः
tau bahirvedi nirasyataḥ
- 8
अग्नये स्वाहेति षट्पार्थानि पुरस्ताद् अभिषेकस्य जुहोति
agnaye svāheti ṣaṭpārthāni purastād abhiṣekasya juhoti
- 9
पृथिव्यै स्वाहेति षड्भूतानाम् अवेष्टीः
pṛthivyai svāheti ṣaḍbhūtānām aveṣṭīḥ
- 10
ऊर्ध्वबाहुं तिष्ठन्तं माहेन्द्रस्य स्तोत्रं प्रत्य् अभिषिञ्चति
ūrdhvabāhuṃ tiṣṭhantaṃ māhendrasya stotraṃ praty abhiṣiñcati
- 11
सोमो राजेत्य् अभिमन्त्र्य सोमस्य त्वा द्युम्नेनाभिषिञ्चामीति
somo rājety abhimantrya somasya tvā dyumnenābhiṣiñcāmīti

