15 shlokas
- 1
इन्द्रस्य वज्रो ऽसीति रथम् उपावहृत्याप्स्व् अन्तर् इत्य् अश्वान् अप्सु स्नापयन्ति
indrasya vajro 'sīti ratham upāvahṛtyāpsv antar ity aśvān apsu snāpayanti
- 2
अपां नपाद् इति रराटानि प्रतिमार्ष्टि
apāṃ napād iti rarāṭāni pratimārṣṭi
- 3
वायुर्वा त्वा मनुर्वा त्वेति प्रष्टिवाहिनं रथं युनक्ति
तूष्णीम् इतरान्षोडश रथान्
vāyurvā tvā manurvā tveti praṣṭivāhinaṃ rathaṃ yunakti
tūṣṇīm itarānṣoḍaśa rathān
- 4
दक्षिणाकाले सप्तदश रथान्ददाति
सप्तदशानांसि सप्तदशाश्वान्सप्तदश हस्तिनः सप्तदश निष्कान्सप्तदश दास्यः सप्तदशाजाः सप्तदशावीः सप्तदश वासांसि सप्तदश गवां शतानि
dakṣiṇākāle saptadaśa rathāndadāti
saptadaśānāṃsi saptadaśāśvānsaptadaśa hastinaḥ saptadaśa niṣkānsaptadaśa dāsyaḥ saptadaśājāḥ saptadaśāvīḥ saptadaśa vāsāṃsi saptadaśa gavāṃ śatāni
- 5
अथैकेषाम्
सप्तदश गवां शतानि ददाति
सप्तदशानांसि युक्तानि सप्तदशाश्वरथान्सप्तदश हस्तिनः सप्तदश निष्कान्सप्तदश दास्यः सप्तदश दुन्दुभीन्
athaikeṣām
saptadaśa gavāṃ śatāni dadāti
saptadaśānāṃsi yuktāni saptadaśāśvarathānsaptadaśa hastinaḥ saptadaśa niṣkānsaptadaśa dāsyaḥ saptadaśa dundubhīn
- 6
एष आप्तो वाजपेयः
eṣa āpto vājapeyaḥ
- 7
अथ कुरुवाजपेयः
atha kuruvājapeyaḥ
- 8
वयसो वयसः सप्तदश सप्तदशानि ददाति
vayaso vayasaḥ saptadaśa saptadaśāni dadāti
- 9
एकहायनप्रभृत्य् आ पञ्चहायनेभ्यो वयांसि
ekahāyanaprabhṛty ā pañcahāyanebhyo vayāṃsi
- 10
अनुदिष्टासु दक्षिणासु यजुर्युक्तम् अध्वर्यवे ददाति
anudiṣṭāsu dakṣiṇāsu yajuryuktam adhvaryave dadāti
- 11
शेषः साधारणः
śeṣaḥ sādhāraṇaḥ
- 12
अग्रेणाहवनीयम् उदीचः प्राचो वा रथान् अवस्थापयन्ति
agreṇāhavanīyam udīcaḥ prāco vā rathān avasthāpayanti
- 13
तेषां दक्षिणो यजुर्युक्तः
teṣāṃ dakṣiṇo yajuryuktaḥ
- 14
अग्रेणाग्नीध्रं राजपुत्रो ऽवस्थाय सप्तदश प्रव्याधान् इषुम् अस्यति
agreṇāgnīdhraṃ rājaputro 'vasthāya saptadaśa pravyādhān iṣum asyati
- 15
यत्र जघन्यं निपतति तत्रौदुम्बरीं काष्ठां लक्षणं मिनोति
yatra jaghanyaṃ nipatati tatraudumbarīṃ kāṣṭhāṃ lakṣaṇaṃ minoti

