18 shlokas
- 1
संपृच स्थ सं मा भद्रेण पृङ्क्तेति प्राङ् अध्वर्युः सोमग्रहैर् उद्द्रवति
विपृच स्थ वि मा पाप्मना पृङ्क्तेति प्रत्यङ्प्रतिप्रस्थाता सुराग्रहैः
saṃpṛca stha saṃ mā bhadreṇa pṛṅkteti prāṅ adhvaryuḥ somagrahair uddravati
vipṛca stha vi mā pāpmanā pṛṅkteti pratyaṅpratiprasthātā surāgrahaiḥ
- 2
आहवनीयन्यन्ते सोमग्रहैर् अवतिष्ठन्ते
मार्जालीयन्यन्ते सुराग्रहैः
āhavanīyanyante somagrahair avatiṣṭhante
mārjālīyanyante surāgrahaiḥ
- 3
प्रचरति सोमग्रहैः
pracarati somagrahaiḥ
- 4
वषट्कारानुवषट्कारौ सुराग्रहान् अनुप्रकम्पयन्ति
vaṣaṭkārānuvaṣaṭkārau surāgrahān anuprakampayanti
- 5
व्याख्यातः सोमस्य भक्षः
vyākhyātaḥ somasya bhakṣaḥ
- 6
विराट्छन्दस इति भक्षमन्त्रं नमति
virāṭchandasa iti bhakṣamantraṃ namati
- 7
मारुत्या अवदानीयानि सोमग्रहांश्चर्त्विग्भ्य उपहरन्ति
अनवदानीयानि सुराग्रहांश्च वाजसृद्भ्यः
mārutyā avadānīyāni somagrahāṃścartvigbhya upaharanti
anavadānīyāni surāgrahāṃśca vājasṛdbhyaḥ
- 8
तानि दक्षिणस्यां वेदिश्रोण्यां विमाथीकृत्य भक्षयन्ति
tāni dakṣiṇasyāṃ vediśroṇyāṃ vimāthīkṛtya bhakṣayanti
- 9
ककुदो राजपुत्रो ध्रुवगोपो नैवारगोपो वा प्राश्नीयात्
सर्वं वा ककुदम् उपरिष्टात्सर्वसोमेभ्यः
kakudo rājaputro dhruvagopo naivāragopo vā prāśnīyāt
sarvaṃ vā kakudam upariṣṭātsarvasomebhyaḥ
- 10
अत्र सारस्वतप्रभृतीनां दैवतेन प्रचरति
atra sārasvataprabhṛtīnāṃ daivatena pracarati
- 11
यज्ञारण्ये प्रचरन्तीति विज्ञायते
yajñāraṇye pracarantīti vijñāyate
- 12
तद्यत्रेष्टा अनूयाजा भवन्त्य् अव्यूढाः स्रुचः
तद् एतैः प्रचरेयुः
तद् उ तथा न कुर्यात्
ह्वलति वा एतद्यज्ञो यद् एवं कुर्वन्तीति
tadyatreṣṭā anūyājā bhavanty avyūḍhāḥ srucaḥ
tad etaiḥ pracareyuḥ
tad u tathā na kuryāt
hvalati vā etadyajño yad evaṃ kurvantīti
- 13
तस्माद्यत्रैव पूर्वेषां वपाभिश्चरेयुस्तद् इतरेषाम्
यत्रो हैव हविर्भिस्तद्धविर्भिः
tasmādyatraiva pūrveṣāṃ vapābhiścareyustad itareṣām
yatro haiva havirbhistaddhavirbhiḥ
- 14
संतिष्ठते वाजपेयः
saṃtiṣṭhate vājapeyaḥ
- 15
तेनेष्ट्वा सौत्रामण्या यजेत
मैत्रावरुण्या वामिक्षया
teneṣṭvā sautrāmaṇyā yajeta
maitrāvaruṇyā vāmikṣayā
- 16
यावज्जीवं न कंचन प्रत्यवरोहेत्
yāvajjīvaṃ na kaṃcana pratyavarohet
- 17
बृहस्पतिसवेन वा प्रत्यवरोहणीयेन यजेत
bṛhaspatisavena vā pratyavarohaṇīyena yajeta
- 18
श्वेतच्छत्त्री ह भवतीति विज्ञायते
śvetacchattrī ha bhavatīti vijñāyate

