16 shlokas
- 1
तथाभिषेचनीयस्योक्थ्यस्य दीक्षाः प्रवर्धयति यथा संवत्सरस्य दशरात्रे शिष्टे दशपेयो भविष्यतीति
tathābhiṣecanīyasyokthyasya dīkṣāḥ pravardhayati yathā saṃvatsarasya daśarātre śiṣṭe daśapeyo bhaviṣyatīti
- 2
सह सोमौ क्रीणात्य् अभिषेचनीयाय दशपेयाय च
सह परिवहति
saha somau krīṇāty abhiṣecanīyāya daśapeyāya ca
saha parivahati
- 3
अर्धं राज्ञः पुरोहितस्य गृहे दशपेयार्थं निदधाति
ardhaṃ rājñaḥ purohitasya gṛhe daśapeyārthaṃ nidadhāti
- 4
अग्नीषोमीयस्य पशुपुरोडाशम् अष्टौ देवसुवां हवींष्य् अनुनिर्वपति
agnīṣomīyasya paśupuroḍāśam aṣṭau devasuvāṃ havīṃṣy anunirvapati
- 5
समानं तु स्विष्टकृदिडम्
samānaṃ tu sviṣṭakṛdiḍam
- 6
पुरस्तात्स्विष्टकृतः सविता त्वा प्रसवानां सुवताम् इति ब्रह्मा यजमानस्य हस्तं गृह्णाति
purastātsviṣṭakṛtaḥ savitā tvā prasavānāṃ suvatām iti brahmā yajamānasya hastaṃ gṛhṇāti
- 7
अथैनं रत्निभ्य आवेदयत्य् एष वो भरता राजेति
एष वः कुरवो राजेति कौरव्यम्
एष वः पञ्चाला राजेति पाञ्चालम्
एष वः कुरुपञ्चाला राजेति वा कुरुपाञ्चालान्
एष वो जनता राजेत्य् अन्यान्राज्ञः
athainaṃ ratnibhya āvedayaty eṣa vo bharatā rājeti
eṣa vaḥ kuravo rājeti kauravyam
eṣa vaḥ pañcālā rājeti pāñcālam
eṣa vaḥ kurupañcālā rājeti vā kurupāñcālān
eṣa vo janatā rājety anyānrājñaḥ
- 8
सोमो ऽस्माकं ब्राह्मणानां राजेति ब्रह्मा जपति
somo 'smākaṃ brāhmaṇānāṃ rājeti brahmā japati
- 9
प्रति त्यन्नाम राज्यम् अधायीति वारुणीभ्यां यजमानो मुखं विमृष्टे
prati tyannāma rājyam adhāyīti vāruṇībhyāṃ yajamāno mukhaṃ vimṛṣṭe
- 10
विष्णोः क्रमो ऽसीति त्रीन्विष्णुक्रमान्प्राचः क्रामति
viṣṇoḥ kramo 'sīti trīnviṣṇukramānprācaḥ krāmati
- 11
प्राङ्माहेन्द्रात्कृत्वा माध्यंदिनीयान्पुरोडाशान्निरुप्य मारुतम् एकविंशतिकपालं निर्वपति
वैश्वदेवीं चामिक्षाम्
prāṅmāhendrātkṛtvā mādhyaṃdinīyānpuroḍāśānnirupya mārutam ekaviṃśatikapālaṃ nirvapati
vaiśvadevīṃ cāmikṣām
- 12
तस्यारण्येऽनुवाक्यतृतीयैर्गणैः कपालान्य् उपदधाति
ईदृङ्चान्यादृङ्चेत्य् एताभ्याम्
मध्ये ऽरण्येऽनुवाक्येन
tasyāraṇye'nuvākyatṛtīyairgaṇaiḥ kapālāny upadadhāti
īdṛṅcānyādṛṅcety etābhyām
madhye 'raṇye'nuvākyena
- 13
अभिवास्यापां ग्रहान्गृह्णाति
abhivāsyāpāṃ grahāngṛhṇāti
- 14
आग्नीध्रे वायव्यैर्गृह्यन्ते
āgnīdhre vāyavyairgṛhyante
- 15
षोडश सप्तदश वा होमा हूयन्ते
ṣoḍaśa saptadaśa vā homā hūyante
- 16
तावन्त एव ग्रहा गृह्यन्ते
tāvanta eva grahā gṛhyante

