5 shlokas
- 1
चक्षूंषि वा एतानि सवनानां यत्तूष्णींशंसः
भूर् अग्निर्ज्योतिर्ज्योतिर् अग्निर् इति प्रातःसवनस्य चक्षुषी
इन्द्रो ज्योतिर्भुवो ज्योतिर् इन्द्र इति माध्यंदिनस्य सवनस्य चक्षुषी
सूर्यो ज्योतिर्ज्योतिः स्वः सूर्य इति तृतीयसवनस्य चक्षुषी
cakṣūṃṣi vā etāni savanānāṃ yattūṣṇīṃśaṃsaḥ
bhūr agnirjyotirjyotir agnir iti prātaḥsavanasya cakṣuṣī
indro jyotirbhuvo jyotir indra iti mādhyaṃdinasya savanasya cakṣuṣī
sūryo jyotirjyotiḥ svaḥ sūrya iti tṛtīyasavanasya cakṣuṣī
- 2
चक्षुष्मद्भिः सवनै राध्नोति
चक्षुष्मद्भिः सवनैः स्वर्गं लोकम् एति य एवं वेद
cakṣuṣmadbhiḥ savanai rādhnoti
cakṣuṣmadbhiḥ savanaiḥ svargaṃ lokam eti ya evaṃ veda
- 3
चक्षुर्वा एतद्यज्ञस्य यत्तूष्णींशंसः
एका सती व्याहृतिर्द्वेधोच्यते
तस्माद् एकं सच्चक्षुर्द्वेधा
cakṣurvā etadyajñasya yattūṣṇīṃśaṃsaḥ
ekā satī vyāhṛtirdvedhocyate
tasmād ekaṃ saccakṣurdvedhā
- 4
मूलं वा एतद्यज्ञस्य यत्तूष्णींशंसः
यं कामयेतानायतनवान्स्याद् इति नास्य यज्ञे तूष्णींशंसं शंसेत्
उन्मूलम् एव तद्यज्ञम्पराभवन्तम् अनु पराभवति
mūlaṃ vā etadyajñasya yattūṣṇīṃśaṃsaḥ
yaṃ kāmayetānāyatanavānsyād iti nāsya yajñe tūṣṇīṃśaṃsaṃ śaṃset
unmūlam eva tadyajñamparābhavantam anu parābhavati
- 5
तद् उ वा आहुः शंसेद् एव
अपि वै तद् ऋत्विजे ऽहितं यद्धोता तूष्णींशंसं न शंसति
ऋत्विजि हि सर्वो यज्ञः प्रतिष्ठितो यज्ञे यजमानः
तस्माच्छंस्तव्यः शंस्तव्यः
tad u vā āhuḥ śaṃsed eva
api vai tad ṛtvije 'hitaṃ yaddhotā tūṣṇīṃśaṃsaṃ na śaṃsati
ṛtviji hi sarvo yajñaḥ pratiṣṭhito yajñe yajamānaḥ
tasmācchaṃstavyaḥ śaṃstavyaḥ

