6 shlokas
- 1
ते वा एते प्राणा एव यद्द्विदेवत्याः
te vā ete prāṇā eva yaddvidevatyāḥ
- 2
वाक्च प्राणश्चैन्द्रवायवः
चक्षुश्च मनश्च मैत्रावरुणः
श्रोत्रं चात्मा चाश्विनः
vākca prāṇaścaindravāyavaḥ
cakṣuśca manaśca maitrāvaruṇaḥ
śrotraṃ cātmā cāśvinaḥ
- 3
तस्य हैतस्यैन्द्रवायवस्याप्य् एके ऽनुष्टुभौ पुरोनुवाक्ये कुर्वन्ति गायत्र्यौ याज्ये
tasya haitasyaindravāyavasyāpy eke 'nuṣṭubhau puronuvākye kurvanti gāyatryau yājye
- 4
वाक्च वा एष प्राणश्च ग्रहो यद् ऐन्द्रवायवः
तद् अपि छन्दोभ्यां यथायथं क्लप्स्येते इति
vākca vā eṣa prāṇaśca graho yad aindravāyavaḥ
tad api chandobhyāṃ yathāyathaṃ klapsyete iti
- 5
तत्तन्नादृत्यम्
व्यृद्धं वा एतद्यज्ञे क्रियते यत्र पुरोनुवाक्या ज्यायसी याज्यायै
यत्र वै याज्या ज्यायसी तत्समृद्धम् अथो यत्र समे
यस्यो तत्कामाय तथा कुर्यात्प्राणस्य च वाचश्चात्रैव तद् उपाप्तम्
tattannādṛtyam
vyṛddhaṃ vā etadyajñe kriyate yatra puronuvākyā jyāyasī yājyāyai
yatra vai yājyā jyāyasī tatsamṛddham atho yatra same
yasyo tatkāmāya tathā kuryātprāṇasya ca vācaścātraiva tad upāptam
- 6
वायव्या पूर्वा पुरोनुवाक्यैन्द्रवायव्य् उत्तरा
एवं याज्ययोः
सा या वायव्या तया प्राणं कल्पयति
वायुर्हि प्राणः
वाग्घ्यैन्द्री
उपो तं कामम् आप्नोति यः प्राणे च वाचि च
न यज्ञे विषमं करोति
vāyavyā pūrvā puronuvākyaindravāyavy uttarā
evaṃ yājyayoḥ
sā yā vāyavyā tayā prāṇaṃ kalpayati
vāyurhi prāṇaḥ
vāgghyaindrī
upo taṃ kāmam āpnoti yaḥ prāṇe ca vāci ca
na yajñe viṣamaṃ karoti

