13 shlokas
- 1
यो वै यज्ञं हविष्पङ्क्तिं वेद हविष्पङ्क्तिना यज्ञेन राध्नोति
धानाः करम्भः परिवापः पुरोᄆआशः पयस्येत्य् एष वै यज्ञो हविष्पङ्क्तिः
हविष्पङ्क्तिना यज्ञेन राध्नोति य एवं वेद
yo vai yajñaṃ haviṣpaṅktiṃ veda haviṣpaṅktinā yajñena rādhnoti
dhānāḥ karambhaḥ parivāpaḥ puroᄆāśaḥ payasyety eṣa vai yajño haviṣpaṅktiḥ
haviṣpaṅktinā yajñena rādhnoti ya evaṃ veda
- 2
यो वै यज्ञम् अक्षरपङ्क्तिं वेदाक्षरपङ्क्तिना यज्ञेन राध्नोति
सु मत्पद्वग्द इत्य् एष वै यज्ञो ऽक्षरपङ्क्तिः
अक्षरपङ्क्तिना यज्ञेन राध्नोति य एवं वेद
yo vai yajñam akṣarapaṅktiṃ vedākṣarapaṅktinā yajñena rādhnoti
su matpadvagda ity eṣa vai yajño 'kṣarapaṅktiḥ
akṣarapaṅktinā yajñena rādhnoti ya evaṃ veda
- 3
यो वै यज्ञं नराशंसपङ्क्तिं वेद नराशंसपङ्क्तिना यज्ञेन राध्नोति
द्विनाराशंसम्प्रातःसवनम्
द्विनाराशंसं माध्यंदिनं सवनम्
सकृन्नाराशंसं तृतीयसवनम्
एष वै यज्ञो नराशंसपङ्क्तिः
नराशंसपङ्क्तिना यज्ञेन राध्नोति य एवं वेद
yo vai yajñaṃ narāśaṃsapaṅktiṃ veda narāśaṃsapaṅktinā yajñena rādhnoti
dvinārāśaṃsamprātaḥsavanam
dvinārāśaṃsaṃ mādhyaṃdinaṃ savanam
sakṛnnārāśaṃsaṃ tṛtīyasavanam
eṣa vai yajño narāśaṃsapaṅktiḥ
narāśaṃsapaṅktinā yajñena rādhnoti ya evaṃ veda
- 4
यो वै यज्ञं सवनपङ्क्तिं वेद सवनपङ्क्तिना यज्ञेन राध्नोति
पशुर् उपवसथे त्रीणि सवनानि पशुर् अनूबन्ध्य इत्य् एष वै यज्ञः सवनपङ्क्तिः
सवनपङ्क्तिना यज्ञेन राध्नोति य एवं वेद
yo vai yajñaṃ savanapaṅktiṃ veda savanapaṅktinā yajñena rādhnoti
paśur upavasathe trīṇi savanāni paśur anūbandhya ity eṣa vai yajñaḥ savanapaṅktiḥ
savanapaṅktinā yajñena rādhnoti ya evaṃ veda
- 5
हरिवाꣳ इन्द्रो धाना अत्तु पूषण्वान्करम्भं सरस्वतीवान्भारतीवान्परिवाप इन्द्रस्यापूप इति हविष्पङ्क्त्या यजति
harivām̐ indro dhānā attu pūṣaṇvānkarambhaṃ sarasvatīvānbhāratīvānparivāpa indrasyāpūpa iti haviṣpaṅktyā yajati
- 6
ऋक्सामे वा इन्द्रस्य हरी
ṛksāme vā indrasya harī
- 7
पशवः पूषान्नं करम्भः
paśavaḥ pūṣānnaṃ karambhaḥ
- 8
सरस्वतीवान्भारतीवान् इति
वाग् एव सरस्वती
प्राणो भरतः
sarasvatīvānbhāratīvān iti
vāg eva sarasvatī
prāṇo bharataḥ
- 9
परिवाप इन्द्रस्यापूप इति
अन्नम् एव परिवापः
इन्द्रियम् अपूपः
parivāpa indrasyāpūpa iti
annam eva parivāpaḥ
indriyam apūpaḥ
- 10
एतासाम् एव तद्देवतानां यजमानं सायुज्यं सरूपतां सलोकतां गमयति
गच्छति श्रेयसः सायुज्यं गच्छति श्रेष्ठतां य एवं वेद
etāsām eva taddevatānāṃ yajamānaṃ sāyujyaṃ sarūpatāṃ salokatāṃ gamayati
gacchati śreyasaḥ sāyujyaṃ gacchati śreṣṭhatāṃ ya evaṃ veda
- 11
हविर् अग्ने वीहीत्य् अनुससवनम्पुरोᄆआशस्विष्टकृतो यजति
havir agne vīhīty anusasavanampuroᄆāśasviṣṭakṛto yajati
- 12
अवत्सारो वा एतेनाग्नेः प्रियं धामोपागच्छत्
स परमं लोकम् अजयत्
avatsāro vā etenāgneḥ priyaṃ dhāmopāgacchat
sa paramaṃ lokam ajayat
- 13
उपाग्नेः प्रियं धाम गच्छति जयति परमं लोकं य एवं वेद यश्चैवं विद्वान् एतया हविष्पङ्क्त्या यजते यजतीति च यजतीति च
upāgneḥ priyaṃ dhāma gacchati jayati paramaṃ lokaṃ ya evaṃ veda yaścaivaṃ vidvān etayā haviṣpaṅktyā yajate yajatīti ca yajatīti ca

