5 shlokas
- 1
शिरो वा एतद्यज्ञस्य यत्प्रातरनुवाकः प्राणापाना उपांश्वन्तर्यामौ
वज्र एव वाक्
नाहुतयोर् उपांश्वन्तर्यामयोर्होता वाचं विसृजेत
śiro vā etadyajñasya yatprātaranuvākaḥ prāṇāpānā upāṃśvantaryāmau
vajra eva vāk
nāhutayor upāṃśvantaryāmayorhotā vācaṃ visṛjeta
- 2
यद् अहुतयोर् उपांश्वन्तर्यामयोर्होता वाचं विसृजेत वाचा वज्रेण यजमानस्य प्राणान्वीयात्
य एनं तत्र ब्रूयाद्वाचा वज्रेण यजमानस्य प्राणान्व्यगात्प्राण एनं हास्यतीति शश्वत्तथा स्यात्
तस्मान्नाहुतयोर् उपांश्वन्तर्यामयोर्होता वाचं विसृजेत
yad ahutayor upāṃśvantaryāmayorhotā vācaṃ visṛjeta vācā vajreṇa yajamānasya prāṇānvīyāt
ya enaṃ tatra brūyādvācā vajreṇa yajamānasya prāṇānvyagātprāṇa enaṃ hāsyatīti śaśvattathā syāt
tasmānnāhutayor upāṃśvantaryāmayorhotā vācaṃ visṛjeta
- 3
प्राणं यच्छ
स्वाहा त्वा सुहव सूर्यायेत्य् उपांशुम् अनुमन्त्रयेत
तम् अभिप्रानेत्प्राण प्राणम्मे यच्छेति
अपानं यच्छ
स्वाहा त्वा सुहव सूर्यायेत्य् अन्तर्यामम् अनुमन्त्रयेत
तम् अभ्यपानेद् अपानापानम्मे यच्छेति
व्यानाय त्वेत्य् उपांशुसवनं ग्रावाणम् अभिमृश्य वाचं विसृजते
prāṇaṃ yaccha
svāhā tvā suhava sūryāyety upāṃśum anumantrayeta
tam abhiprānetprāṇa prāṇamme yaccheti
apānaṃ yaccha
svāhā tvā suhava sūryāyety antaryāmam anumantrayeta
tam abhyapāned apānāpānamme yaccheti
vyānāya tvety upāṃśusavanaṃ grāvāṇam abhimṛśya vācaṃ visṛjate
- 4
आत्मा वा उपांशुसवनः
आत्मन्य् एव तद्धोता प्राणान्प्रतिधाय वाचं विसृजते सर्वायुः सर्वायुत्वाय
ātmā vā upāṃśusavanaḥ
ātmany eva taddhotā prāṇānpratidhāya vācaṃ visṛjate sarvāyuḥ sarvāyutvāya
- 5
सर्वम् आयुर् एति य एवं वेद
sarvam āyur eti ya evaṃ veda

