7 shlokas
- 1
आज्येन स्रुवं पूरयित्वान्तरेण पुरोडाशाव् आसाद्य सर्वाणि हवींषि पात्र्यां संगृह्य भूर्भुवः सुवर् इति व्याहृतीभिर्हवींष्य् अपरेण स्रुचो ऽन्तर्वेद्यासादयेत्प्रथमतः
ājyena sruvaṃ pūrayitvāntareṇa puroḍāśāv āsādya sarvāṇi havīṃṣi pātryāṃ saṃgṛhya bhūrbhuvaḥ suvar iti vyāhṛtībhirhavīṃṣy apareṇa sruco 'ntarvedyāsādayetprathamataḥ
- 2
अथा संवत्सरे
athā saṃvatsare
- 3
इतरकालेषु चतुर्होत्रा पौर्णमास्यां पञ्चहोत्रामावास्यायां प्रियेण नाम्ना प्रियं सद आसीदेत्य् एतेभ्यो ऽन्यद्धविः
itarakāleṣu caturhotrā paurṇamāsyāṃ pañcahotrāmāvāsyāyāṃ priyeṇa nāmnā priyaṃ sada āsīdety etebhyo 'nyaddhaviḥ
- 4
अपरेण स्रुचः पुरोडाशौ दक्षिणस्यां श्रोण्यां शृतम् उत्तरस्यां दधि
apareṇa srucaḥ puroḍāśau dakṣiṇasyāṃ śroṇyāṃ śṛtam uttarasyāṃ dadhi
- 5
अयं वेद इत्य् अग्रेण ध्रुवां वेदं निधाय वेद्यन्तान्परिस्तीर्य परिभोजनीयान्दर्भान् आदाय होतृषदनं कल्पयति
ayaṃ veda ity agreṇa dhruvāṃ vedaṃ nidhāya vedyantānparistīrya paribhojanīyāndarbhān ādāya hotṛṣadanaṃ kalpayati
- 6
यज्ञो ऽसीत्य् आग्नेयम् आसन्नं यजमानो ऽभिमृशति प्रजापतिर् असीत्य् अग्नीषोमीयम् इदम् इन्द्रियम् अमृतम् इति प्रातर्दोहं यत्पृथिवीम् अचरद् इति दधि यो नः कनीय इत्य् ऐन्द्राग्नम् अयं यज्ञ इति सर्वाणि ममाग्न इति विहव्येन च पौर्णमास्याम् अभिमृशति चतुर्होत्रा पञ्चहोत्रामावास्यायाम्
yajño 'sīty āgneyam āsannaṃ yajamāno 'bhimṛśati prajāpatir asīty agnīṣomīyam idam indriyam amṛtam iti prātardohaṃ yatpṛthivīm acarad iti dadhi yo naḥ kanīya ity aindrāgnam ayaṃ yajña iti sarvāṇi mamāgna iti vihavyena ca paurṇamāsyām abhimṛśati caturhotrā pañcahotrāmāvāsyāyām
- 7
होतर् एहीत्य् अध्वर्युर्होतारम् आमन्त्र्याग्नये समिध्यमानायानुब्रूहीत्य्संप्रेष्यति संप्रेष्यति
hotar ehīty adhvaryurhotāram āmantryāgnaye samidhyamānāyānubrūhītysaṃpreṣyati saṃpreṣyati

