11 shlokas
- 1
ब्रह्मा यजमानाय
brahmā yajamānāya
- 2
तृणैर् अन्तर्धायाक्ष्णया शुल्बं च निधायोर्णाम्रदसं त्वा स्तृणामीति बहुलम् अनतिदृश्नं प्रागपवर्गं प्रत्यगपवर्गं वा बर्हिषा वेदिं स्तृणाति
tṛṇair antardhāyākṣṇayā śulbaṃ ca nidhāyorṇāmradasaṃ tvā stṛṇāmīti bahulam anatidṛśnaṃ prāgapavargaṃ pratyagapavargaṃ vā barhiṣā vediṃ stṛṇāti
- 3
ऊर्णामृदु प्रथमानं चतुःशिखण्डेति द्वाभ्यां स्तीर्यमाणां यजमानो ऽनुमन्त्रयते
ūrṇāmṛdu prathamānaṃ catuḥśikhaṇḍeti dvābhyāṃ stīryamāṇāṃ yajamāno 'numantrayate
- 4
अध्वर्युर् अग्रैर्मूलान्य् अभिच्छादयन्त्रिधातु पञ्चधातु वा कृत्वा धातौ धातौ मन्त्रम् आवर्तयति
adhvaryur agrairmūlāny abhicchādayantridhātu pañcadhātu vā kṛtvā dhātau dhātau mantram āvartayati
- 5
शिवा च म इति स्तीर्णां वेदिं यजमानो ऽनुमन्त्रयते
śivā ca ma iti stīrṇāṃ vediṃ yajamāno 'numantrayate
- 6
अध्वर्युर् अनूयाजार्थे प्राञ्चाव् अङ्गारौ निरूह्याहवनीयं कल्पयित्वा प्रस्तरं धारयन्गन्धर्वो ऽसीत्य् उदगग्रं मध्यमं परिधिं परिदधाति
adhvaryur anūyājārthe prāñcāv aṅgārau nirūhyāhavanīyaṃ kalpayitvā prastaraṃ dhārayangandharvo 'sīty udagagraṃ madhyamaṃ paridhiṃ paridadhāti
- 7
अस्मिन्यज्ञ उप भूय इति ध्रुवो ऽसि ध्रुवो ऽहम् इति द्वाभ्यां यजमानो मध्यमं परिधिम् अनुमन्त्रयते
asminyajña upa bhūya iti dhruvo 'si dhruvo 'ham iti dvābhyāṃ yajamāno madhyamaṃ paridhim anumantrayate
- 8
अध्वर्युर् इन्द्रस्य बाहुर् असीति मित्रावरुणौ त्वेति दक्षिणोत्तरौ प्रागग्रौ संस्पृष्टौ मध्यमेन दक्षिणम् आहवनीयम् अभ्यग्रम् उत्तरम् अवाग्रम्
adhvaryur indrasya bāhur asīti mitrāvaruṇau tveti dakṣiṇottarau prāgagrau saṃspṛṣṭau madhyamena dakṣiṇam āhavanīyam abhyagram uttaram avāgram
- 9
अस्मिन्यज्ञ उग्रो ऽस्य् अस्मिन्यज्ञे ऽभिभूर् असीति यजमानो ऽनुमन्त्रयते यथा मध्यमम्
asminyajña ugro 'sy asminyajñe 'bhibhūr asīti yajamāno 'numantrayate yathā madhyamam
- 10
अध्वर्युः सूर्यस्त्वा पुरस्तात्पात्व् इति सूर्येण पुरस्तात्परिदधाति
adhvaryuḥ sūryastvā purastātpātv iti sūryeṇa purastātparidadhāti
- 11
युनज्मि त्वा यन्मे अग्न इति द्वाभ्यां यजमानो ऽग्निं युनक्ति
yunajmi tvā yanme agna iti dvābhyāṃ yajamāno 'gniṃ yunakti

